Brynjólfur Einarsson (Dölum)
Brynjólfur Einarsson sjómaður frá Dölum fæddist 16. maí 1852 og drukknaði 13. mars 1874.
Foreldrar hans voru Dýrfinna Guðnadóttir húsfreyja í Dölum, f. 2. september 1823, d. 31. maí 1866, og maður hennar Einari Jónsson eldri, bóndi í Dölum, f. 1806, d. 26. nóvember 1852.
Brynjólfur var með foreldrum sínum og síðan ekkjunni móður sinni.
Hann var vinnumaður í Jónshúsi og háseti á Gauki á vertíðinni 1874. Bátnum hlekktist á suður af Klettsnefi 13. mars 1874 og fórust þar 7 menn auk formannsins Sighvatar Sigurðssonar bónda á Vilborgarstöðum, sem lést af afleiðingum slyssins 8. júlí 1874.
Þeir, sem fórust auk formannsins voru:
1. Árni Árnason, bóndi að Vilborgarstöðum, afi Árna símritara Árnasonar frá Grund,
2. Gísli Brynjólfsson ekkjumaður í Móhúsum, sem var ein af Kirkjubæjarjörðunum. Hann var faðir Solveigar Gísladóttur á Arnarhóli, f. 16. september 1838, d. 18. september 1923 í Eyjum, móður Gísla á Arnarhóli.
3. Erlendur Pétursson, vinnumaður í Litlakoti (nú Veggur),
4. Jón Jónsson húsmaður í Dölum,
5. Sigurður Eyjólfsson, vinnumaður á Steinsstöðum,
6. Brynjólfur Einarsson frá Dölum, vinnumaður í Jónshúsi og
7. Stefán Austmann í Vanangri.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.