Baldvin S. Baldvinsson
Baldvin Sigurbjörn Baldvinsson sjómaður, vélstjóri, tækjastjóri, forstöðumaður fæddist 24. júní 1947 á Akureyri.
Foreldrar hans voru Baldvin Gunnlaugur Sigurbjörnsson skipstjóri, vélstjóri, f. 9. júlí 1906, d. 2. maí 1970, og Snjólaug Hlíf Baldvinsdóttir frá Akureyri, síðar fiskimatsmaður í Hafnarfirði, eftirlitsstarfsmaður, f. 21. nóvember 1912, d. 3. maí 2000.
Börn Snjólaugar og Baldvins:
1. Erla Kristín Lilja Baldvinsdóttir húsfreyja, f. 30. október 1931. Fyrrum maður hennar Kristján Gíslason.
2. Unnur Gígja Baldvinsdóttir húsfreyja, hjúkrunarfræðingur, hjúkrunarforstjóri, deildarstjóri, f. 22. mars 1933. Maður hennar Magnús Bjarnason verkstjóri, sérhæfður starfsmaður fiskiðjuvera, f. 5. júlí 1934,
3. d. 21. nóvember 2019.
4. Guðbjörn Gísli Baldvinsson, f. 30. maí 1937, d. 31. ágúst 1976. Kona hans Guðbjörg Þorgeirsdóttir.
5. Baldvin Sigurbjörn Baldvinsson sjómaður, vélstjóri, tækjastjóri, forstöðumaður, f. 24. júní 1947. Kona hans Anna Sigurlaug Scheving Sigurjónsdóttir.
Baldvin var með foreldrum sínum í æsku, fór barn með föður sínum í síldveiðitúra.
Hann fékk 1. stig vélstjórnarréttinda í Eyjum 1971-1972.
Baldvin stundaði sjómennsku frá 14 ára aldri, var með Kristjáni Gíslasyni mági sínum á Sæfinni á humartrolli, fór á togara 15 ára og var þar til 1964. Þá var hann á vetrarvertíð á Sindra VE 1964-1965, var þá á togurum, Júní frá Hafnarfirði, Kaldbak, Svalbak og Sléttbak frá Akureyri um skeið, var á Þorsteini RE á síld fyrir Austurlandi til haustsins.
Baldvin vann síðan í síldarbræðslunni á Reyðarfirði frá vori – desember 1966.
Hann var síðan á Mars frá Eyjum til 1968, á Bergi VE með Sævaldi Pálssyni og Kristni Pálssyni í 5 ár til Goss 1973 í Eyjum, en þá var lagt upp í Grindavík og Njarðvíkum.
Eftir flutning til Akureyrar var Baldvin vélamaður (tækjastjóri) hjá Vegagerðinni og síðan í vélaflutningum.
Þá rak hann Shell-Olís smurstöð og hjólbarðaviðgerðir í 14 ár eða til 1996, var þá í fiskflutningum fyrir ýmsa til vors 1997.
Hann flutti til Hvammstanga vorið 1997, vann þar hjá Vegagerðinni , í þjónustudeildinni, við allskyns eftirlit, ýmislegt viðhald o.fl. Þar hætti hann vegna sjúkleika 2016.
Baldvin stundar nú stangaveiði af ánægju.
Þau Anna giftu sig 1967, eignuðust tvö börn. Þau fluttu til Eyja 1965, bjuggu í Skvísusundi í hálft ár, á Sólvangi við Kirkjuveg 29, við Heimagötu 25 og höfðu nýlega flutt að Víðivöllum, þegar gaus 1973. Þau bjuggu í Njarðvíkum til desember 1973, fluttu til Akureyrar bjuggu í Seljahlíð 3D. Þau fluttu á Hvammstanga 1997, en hafa búið á Laugabakka í Miðfirði nú í sjö og hálft ár.
I. Kona Baldvins, (24. júní 1967), er Anna Scheving frá Reyðarfirði, húsfreyja, fiskiðnaðarkona, flokksstjóri, póstur, f. þar 23. maí 1949.
Börn þeirra:
1. Sigurjón Baldvinsson, f. 13. apríl 1968. Hann býr í Danmörku, var starfsmaður Ölgerðar Egils Skallagrímssonar. Fyrrum kona hans Þórunn Brandsdóttir Gíslasonar. Fyrrum kona hans Aldís Brynjólfsdóttir. Barnsmóðir hans Viktoria Kiei, þýskrar ættar.
2. Baldvin Gunnlaugur Baldvinsson, f. 14. desember 1969 á Heimagötu 25. Hann er starfsmaður Toyota í Reykjavík. Barnsmóðir hans Laufey Harrysdóttir. Barnsmóðir hans Guðlaug Ósk Sigurðardóttir. Sambúðarkona hans er Elsa María Sigurðardóttir.
Heimildir
- Samantekt: Víglundur Þór Þorsteinsson.
- Baldvin.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.