Auróra Ingibjörg Oddgeirsdóttir

Úr Heimaslóð, Sögusetri Vestmannaeyja
Útgáfa frá 1. október 2020 kl. 17:38 eftir Viglundur (spjall | framlög) Útgáfa frá 1. október 2020 kl. 17:38 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Auróra Ingibjörg Oddgeirsdóttir.

Auróra Ingibjörg Oddgeirsdóttir frá Ofanleiti, húsfreyja fæddist 25. september 1890 að Ofanleiti og lést 15. febrúar 1945.
Foreldrar hennar voru sr. Oddgeir Þórðarson Guðmundsen prestur, síðast að Ofanleiti, f. 11. ágúst 1849, d. 2. janúar 1924, og kona hans Anna Guðmundsdóttir húsfreyja, f. 9. júní 1848, d. 2. desember 1919.

Börn Oddgeirs og Önnu voru:
1. Guðmundur Oddgeirsson, f. 28. maí 1876 að Felli í Mýrdal, d. 5. nóvember 1920. Stórkaupmaður í Kaupmannahöfn, kvæntur danskri konu.
2. Jóhanna Andrea Oddgeirsdóttir húsfreyja, f. 26. maí 1877 að Felli í Mýrdal, d. 17. nóvember 1906. Hún var miðkona Magnúsar Jónssonar sýslumanns, síðar bæjarfógeta í Hafnarfirði.
3. Guðrún Sigríður Oddgeirsdóttir húsfreyja, f. 11. júní 1878 að Felli í Mýrdal, d. 3. maí 1968. Hún var þriðja kona Magnúsar Jónssonar sýslumanns, síðar bæjarfógeta í Hafnarfirði.
4. Margrét Andrea Oddgeirsdóttir húsfreyja í Winnipeg, f. 25. september 1879 að Felli í Mýrdal, d. 6. mars 1966 í Californíu. Maður hennar var Skúli Gissurarson Barneson bakarameistari.
5. Þórður Oddgeirsson, f. 19. september 1880 að Felli í Mýrdal, d. 28. september 1880.
6. Þórður Oddgeirsson, f. 11. nóvember 1881 að Felli í Mýrdal, d. 13. júlí 1882.
7. Jóhannes Oddgeirsson, f. 16. júlí 1882 að Miklaholti, d. 16. júlí 1882.
8. Þórður Oddgeirsson yngsti, prestur og prófastur á Sauðanesi í N-Þing., f. 1. september 1883 í Miklaholti, d. 3. ágúst 1966. Hann var fyrr kvæntur Þóru Ragnheiði Þórðardóttur, síðar Ólafíu Sigríði Árnadóttur.
9. Guðlaug Oddgeirsdóttir verkakona, f. 20. janúar 1885 í Miklaholti, d. 21. desember 1966.
10. Björn Oddgeirsson, tvíburi, verkamaður í Winnipeg, f. 18. mars 1886 í Miklaholti, d. 9. janúar 1983, ókvæntur.
11. Haraldur Oddgeirsson, tvíburi, f. 18. mars 1886 í Miklaholti, d. 30. júlí 1886.
12. Páll Oddgeirsson kaupmaður og útgerðarmaður í Vestmannaeyjum, f. 5. júní 1888 í Kálfholti í Holtum, Rang., d. 24. júní 1871. Kona hans var Matthildur Ísleifsdóttir.
13. Ingibjörg Oddgeirsdóttir, f. 17. ágúst 1889 í Kálfholti í Holtum, d. 1. júní 1890.
14. Auróra Ingibjörg Oddgeirsdóttir húsfreyja, f. 25. september 1890 að Ofanleiti, d. 15. febrúar 1945. Maður hennar var Þorvaldur Guðjónsson formaður. Þau skildu.
15. Sigurður Oddgeirsson vélstjóri og verkamaður í Reykjavík, f. 24. apríl 1892 að Ofanleiti, d. 1. júní 1963. Kona hans var Ágústa Þorgerður Högnadóttir

Auróra var með foreldrum sínum á Ofanleiti uns hún giftist Þorvaldi 1916.
Þau bjuggu á Miðstöð, (Símstöðinni) við Vestmannabraut 1920, í nýbyggðu húsi á Þorvaldseyri 1921 og enn 1927, voru skilin að borði og sæng 1930, barnlaus.
Auróra var ráðskona hjá Áslaugi Ingibirni Stefánssyni sjómanni í Mandal 1930.
Hún bjó á Sandi 1832, leigjandi með Önnu Jóhönnu dóttur sína hjá sér í Litla-Hvammi um skeið, á Rauðafelli (Vestmannabraut) 58 B 1934 og enn 1942, en þá var hún orðin berklaveik, lá 2 mánuði á Sjúkrahúsinu í Eyjum 1943, en síðan á Vífilsstöðum og þar lést hún 1945.

I. Maður hennar, (18. júní 1916), var Þorvaldur Guðjónsson formaður frá Sandfelli, f. 10. mars 1893, d. 13. apríl 1959. Þau skildu barnlaus.

II. Barn hennar:
1. Anna Jóhanna Oddgeirs, f. 30. október 1932 á Sandi. Maður hennar var Friðrik Ágúst Hjörleifsson frá Skálholti, sjómaður, útgerðarmaður, sendibílstjóri, f. 16. nóvember 1930, d. 7. október 2014.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.