Anna Júlía Magnúsdóttir (Rafnseyri)

Úr Heimaslóð, Sögusetri Vestmannaeyja
Útgáfa frá 18. ágúst 2022 kl. 19:37 eftir Viglundur (spjall | framlög) Útgáfa frá 18. ágúst 2022 kl. 19:37 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Anna Júlía Magnúsdóttir.

Anna Júlía Magnúsdóttir frá Rafnseyri við Kirkjuveg 15b, húsfreyja, söngvari, leikkona fæddist 7. júlí 1920 á Seljalandi við Hásteinsveg 10 og lést 6. mars 2011 á dvalarheimilinu Grund í Reykjavík.
Foreldrar hans voru Magnús Sigurðsson frá Fitjamýri u. Eyjafjöllum, sjómaður, f. 26. apríl 1893, drukknaði 30. mars 1927, og kona hans Filippía Þóra Þorsteinsdóttir frá Upsum í Svarfaðardal, húsfreyja, f. 31. ágúst 1893, d. 11. apríl 1956.

Barn Magnúsar og Rannveigar Jónsdóttur:
1. Óskar Rafn Magnússon, síðast í Reykjavík, f. 5. janúar 1916 á Litla-Hrauni, d. 16. nóvember 1985. Kona hans Sigrún Halldóra Ágústsdóttir.

Börn Filippíu og Magnúsar:
2. Anna Júlía Magnúsdóttir húsfreyja, f. 7. júlí 1920 á Seljalandi, d. 6. mars 2011. Maður hennar Guðbrandur Magnússon, látinn.
3. Kristinn Guðmundur Magnússon stálhúsgagnasmiður, f. 26. ágúst 1921, d. 15. maí 2003. Hann var ókv. og barnlaus.
4. Þorbjörg Erna Magnúsdóttir, f. 31. október 1923 á Rafnseyri, d. 8. apríl 1927.

Anna Júlía var með foreldrum sínum skamma stund, því að faðir hennar drukknaði, er hún var var á sjöunda árinu. Hún var með móður sinni og flutti með henni til Akureyrar.
Anna Júlía lærði söng, m.a. hjá Silke Óskarsson og Antoníu Hevesi.
Hún flutti til Siglufjarðar 1996, hafði umsjón með safnaðarheimili kirkjunnar, söng í Kirkjukór Siglufjarðar í áratugi og var ein af stofnendum Kvennakórs Siglufjarðar, var virk í Leikfélaginu þar, tók að sér mörg hlutverk, m.a. Guðnýju í Lénharði fógeta og Höllu í Fjalla-Eyvindi.
Anna var í kvenfélagi, var formaður orlofsnefndar húsmæðra og hafði umsjón með Æskulýðsheimili Siglufjarðar.
Hún var meðeigandi saumastofunnar Salínu og vann þar.
Þau Guðbrandur giftu sig 1940, eignuðust átta börn, en misstu þriðja barn sitt nær tveggja mánaða gamalt. Þau bjuggu á Siglufirði, en á Akranesi 1946-1947.
Guðbrandur lést 1994.
Anna Júlía dvaldi að síðustu á dvalarheimilinu Grund í Reykjavík og lést 2011.

I. Maður Önnu Júlíu, (11. febrúar 1940), var Guðbrandur Magnússon kaupfélagsstjóri á Hólmavík, kennari, skólastjóri, meðhjálpari á Siglufirði, f. 24. ágúst 1907 á Hólum í Staðardal í Steingrímsfirði, Strand., d. 15. október 1994. Foreldrar hans voru Magnús Steingrímsson bóndi, hreppstjóri þar, f. 14. júlí 1875, d. 12. október 1953, og kona hans Kristín Árnadóttir húsfreyja, f. 22. júlí 1879, d. 27. apríl 1964.
Börn þeirra:

1. Skúli Guðbrandsson vélstjóri, f. 3. september 1940. Kona hans Þóra Björg Guðmundsdóttir.
2. Hildur Guðbrandsdóttir húsfreyja, f. 28. nóvember 1941. Maður hennar Ævar Sveinsson.
3. Filippía Þóra Guðbrandsdóttir, f. 15. janúar 1943, d. 11. mars 1943.
4. Anna Gígja Guðbrandsdóttir húsfreyja, f. 22. maí 1946. Maður hennar Haraldur Eiríksson.
5. Magnús Guðbrandsson bifvélavirki, f. 16. desember 1948. Kona hans Jónína Gunnlaug Ásgeirsdóttir.
6. Kristín Guðbrandsdóttir kennari, f. 30. september 1950. Maður hennar Friðbjörn Björnsson.
7. Filippía Þóra Guðbrandsdóttir röntgentæknir, f. 9. september 1953. Hún á fjögur börn.
8. Þorsteinn Guðbrandsson tölvunarfræðingur, f. 14. september 1962. Kona hans Margrét Dagmar Ericsdóttir.


Heimildir

  • Samantekt: Víglundur Þór Þorsteinsson.
  • Íslendingabók.
  • Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
  • Morgunblaðið 14. mars 2011. Minning.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.