Adolf Sigurjónsson (bifreiðastjóri)

Úr Heimaslóð, Sögusetri Vestmannaeyja
Útgáfa frá 16. janúar 2022 kl. 15:12 eftir Viglundur (spjall | framlög) Útgáfa frá 16. janúar 2022 kl. 15:12 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Sveinn Adolf Sigurjónsson.

Sveinn Adolf Sigurjónsson bifreiðastjóri fæddist 2. apríl 1934 og lést 3. janúar 1987.
Foreldrar hans voru Sigurjón Eiríksson verkamaður, f. 4. apríl 1896, d. 19. febrúar 1970, og kona hans Guðrún Pálsdóttir húsfreyja, f. 14. júní 1901, d. 13. desember 1964.

Börn Sigurjóns og Guðrúnar:
1. Gústav Sigurður Sigurjónsson, f. 15. ágúst 1926 í Stakkholti, d. 16. apríl 2006.
2. Jakob Sigurður Sigurjónsson, f. 23. júní 1928 í Stakkholti, d. 20. október 1979.
3. Sigurpáll Sigurjónsson, f. 15. janúar 1930 í Stakkholti, d. 25. september 1931.
4. Sigurpáll Óskar Sigurjónsson, f. 17. júlí 1931 á Boðaslóð, d. 10. apríl 1989.
5. Sveinn Adolf Sigurjónsson, f. 2. apríl 1934 á Boðaslóð, d. 3. janúar 1987.
6. Eymundur Garðar Sigurjónsson, f. 19. september 1937 á Boðaslóð, d. 25. október 1991.
7. Gaukur Geir Sigurjónsson, f. 26. apríl 1939 á Boðaslóð.

Adolf var með foreldrum sínum í æsku.
Hann vann fiskvinnslustörf í Fiski og ís í nokkur ár, en stundaði sjómennsku á síldveiðum fyrir Norðurlandi á sumrum.
Þá var hann sjómaður á vertíðum í Eyjum og um skeið vann hann hjá heildverslun Karls Kristmanns og var bifreiðastjóri við afgreiðslu á flugvélum, sem Karl afgreiddi.
Adolf hóf störf á Bifreiðastöð Vestmannaeyja 1956 og vann við vörubílaakstur þar í nær 30 ár.
Þau Herdís hófu búskap 1958, giftu sig 1965, eignuðust þrjú börn. Þau bjuggu fyrstu 10-11 árin á Boðaslóð1, æskuheimili Adolfs, byggðu hús við Hrauntún 13, fluttu inn 1969 og bjuggu þar síðan.

I. Kona Sveins Adolfs, (18. september 1965), var Herdís Tegeder húsfreyja, f. 26. september 1940, d. 8. júní 2019.
Börn þeirra:
1. Sigurjón Hinrik Adolfsson bifvélavirki, f. 3. ágúst 1958. Kona hans Kristín Elfa Elíasdóttir Baldvinssonar.
2. Gunnar Darri Adolfsson bifvélavirki, f. 19. september 1961. Kona hans Svava Bjarnadóttir Baldurssonar.
3. Jón Steinar Adolfsson bifvélavirki, f. 17. október 1967. Kona hans Júlía Elsa Friðriksdóttir úr Keflavík.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.