1973 Allir í bátana
|
Verið velkomin á 1973 Allir í bátana: Hér er hægt sjá umfjöllun um bátana sem tengjast gosnóttinni og fólkið, ásamt frásögnum, greinum og viðtölum.
|
Stærsta björgun ÍslandssögunnarEinstakt björgunarafrek á heimsvísu var þegar íbúar Vestmannaeyja voru fluttir á brott frá Heimaey 23.janúar 1973 Nú hafa verið skráðar upplýsingar með hvaða hætti íbúar flúðu Eyjuna eða alls, 5.049 manns, 2.630 karlar og 2.369 konur auk 50 ófæddra barna sem voru í móðurkviði þann 23.janúar 1973. Fólkið fór frá Eyjum með 58 bátum og skipum, flugi eða varð lengur í Eyjum þessa nótt. Að auki komu a.m.k. þrír bátar til Eyja um morguninn til að sækja fólk en fóru farþegalausir til baka. Skráð hefur verið hvar sérhver farþegi var búsettur á þeim tíma og með hvaða báti hann fór og hverjir voru í áhöfn þess báts auk þess hverjir fóru með flugi. Íbúar bregðast skjótt við nátttúruhamförunumAðfaranótt 23. janúar 1973 var kyrrlátt í Vestmannaeyjum eftir illviðri daginn áður. Flestir bæjarbúar voru í fastasvefni þegar jörðin tók að nötra og eldtungur brutust upp úr jörðu austan við Kirkjubæ. Klukkan var rétt að verða tvö um nóttina þegar eldgos hófst á 1.600 metra langri sprungu, aðeins rúmlega kílómetra frá miðbænum. Viðbrögð íbúa voru fumlaus og skipulögð. Brunalúðrar voru ræstir til að vekja bæjarbúa, og innan við klukkustund frá upphafi gossins streymdi fólk niður á bryggju. Þar beið allur skipafloti Vestmannaeyinga, sem vegna óveðurs daginn áður var í höfn, tilbúinn til að flytja íbúana í öruggt skjól. Fyrsti báturinn lagði af stað með fólk um hálf þrjú, aðeins um hálftíma eftir að gosið hófst. Sjóferðin var ekki auðveld; þungur sjór eftir fárviðri liðins dægurs gerði ferðina erfiða, en þrátt fyrir það tókst að flytja rúmlega 5.000 manns til Þorlákshafnar án slysa. Söfnun upplýsingaIngibergur Óskarsson hefur unnið mikið þrekvirki við að safna upplýsingum um flóttann mikla frá Heimaey 23. janúar 1973. Hann setti upp vefsíðuna 1973-alliribatana.com og einnig Facebook-síðuna 1973 í bátana til að vekja athygli á verkefninu og safna upplýsingum og nú eru þessar upplýsingar að verða aðgengilegar hér á Heimaslóð og tengjast þá æviskrám, myndum og fjölmörgum öðrum greinum á Heimaslóð. Fjallað er um verkefnið í viðtali Guðna Einarssonar við Ingiberg í sjómannadagsblaði Vestmannaeyja 2023. 1973 Allir í bátana/Ingibergur Óskarsson viðtal Bátarnir, áhafnir og farþegarBátar og skip sem tengjast gosnóttinni eru listuð upp hér á síðunni Bátar og skip 1973.
|
Heimildir