Þorsteina Grétarsdóttir

Úr Heimaslóð, Sögusetri Vestmannaeyja
Fara í flakk Fara í leit
Þorsteina og Ómar.

Þorsteina Grétarsdóttir húsfreyja, hárgreiðslumeistari fæddist 5. apríl 1950 í Þingholti.
Foreldrar hennar Grétar Þorgilsson skipstjóri, útgerðarmaður, f. 19. mars 1926 á Heiði, d. 31. maí 2020, og kona hans Þórunn Pálsdóttir frá Þingholti, húsfreyja, verslunarmaður, f. þar 27. október 1928.

Börn Þórunnar og Grétars:
1. Þorsteina Grétarsdóttir húsfreyja, hárgreiðslumeistari, f. 5. apríl 1950 í Þingholti. Maður hennar er Ómar Garðarsson.
2. Páll Sigurgeir Grétarsson sjómaður, matsveinn, f. 1. mars 1951. Kona hans er Herdís Kristmannsdóttir.
3. Gunnar Þór Grétarsson tækjamaður, bæjarstarfsmaður, f. 15. janúar 1953. Fyrrum kona hans var Guðríður Jónsdóttir Guðmundssonar, Fyrrum kona hans Auður Einarsdóttir. Fyrrum sambúðarkona hans Jósebína Ósk Fannarsdóttir.
4. Margrét Íris Grétarsdóttir húsfreyja, verslunarmaður, f. 25. desember 1954. Maður hennar er Einar Hallgrímsson Þórðarsonar.
5. Lára Huld Grétarsdóttir skrifstofumaður í Hafnarfirði, f. 8. júlí 1957. Barnsfaðir hennar Eyjólfur Ágúst Kristjánsson. Maður hennar er Steindór Ari Steindórsson.
6. Sindri Þór Grétarsson sjómaður, f. 28. apríl 1970. Kona hans er Sæfinna Ásbjörnsdóttir.

Þorsteina var með foreldrum sínum.
Hún lærði hárgreiðslu hjá Ásthildi Sigurðardóttur, varð sveinn 1968 og öðlaðist meistararéttindi 1971.
Þorsteina vann við iðn sína til sjötugs.
Þau Ómar giftu sig 1970, eignuðust fjögur börn. Þau bjuggu við Hilmisgötu 1, síðar við Foldahraun 38i.

I. Maður Þorsteinu, (1. janúar 1970), er Ómar Garðarsson ritstjóri, f. 17. september 1949.
Börn þeirra:
1. Grétar Ómarsson verkefnastjóri hjá Mílu í Reykjavík, f. 25. júlí 1969. Barnsmóðir Anna Lára Guðjónsdóttir. Kona hans Jóna Björk Grétarsdóttir.
2. Berglind Ómarsdóttir kennari, kjóla- og klæðskerameistari í Garðabæ, f. 3. október 1971. Maður hennar Sigurgeir Þorbjarnarson.
3. Karólína Ómarsdóttir veitingastjóri í Noregi, f. 6. júlí 1976. Fyrrum maður hennar Agnar Þór Urban.
4. Vigdís Lára Ómarsdóttir hárgreiðslukona í Reykjavík, f. 29. apríl 1981.


Heimildir

  • Samantekt: Víglundur Þór Þorsteinsson.
  • Íslendingabók.
  • Morgunblaðið 12. júní 2020. Minning Grétars Þorgilssonar.
  • Prestþjónustubækur.
  • Þorsteina.


Þessi grein tilheyrir Æviskrám Eyjafólks eftir Víglund Þór Þorsteinsson.