Æðarfugl

Úr Heimaslóð, Sögusetri Vestmannaeyja
Útgáfa frá 15. febrúar 2006 kl. 21:57 eftir Frosti (spjall | framlög) Útgáfa frá 15. febrúar 2006 kl. 21:57 eftir Frosti (spjall | framlög) (texti frá Náttúrugripasafni og nemendum FÍV)
Fara í flakk Fara í leit
Fuglar
Sjófuglar
Vaðfuglar
Mávar, kjóar, þernur
Andfuglar
Spörfuglar
Annað
Útdauðir fuglar
Æðarkolla

Æðarkolla og Bliki. Æðarfugl Somateria molissima


Æðarfuglinn er stærstur allra anda. Karlfugl og kvenfugl eru ólík og nefnast bliki (kk) og kolla (kvk). Fuglinn verpir 4-6 eggjum í hreiður sem eru fóðruð dúni.

Æðarfugl er kafönd og sjófugl. Til eru 4 tegundir æðarfugla, 3 þeirra eru vel skyldar og íslenski æðarfuglinn er í þeim hópi. Æðurin er ljósgrá, ljósbrún og svört á litinn. Þessir litir blandast saman í yrjur en æðarblikinn er svartur á kviði og hvítur að ofan. Æðarfuglinn er 50-71 cm að lengd og er 1,6-2,7 kg, vænghafið er á bilinu 80-109 cm Fuglinn lifir aðallega á fæðu úr sjó, t.d smákröbbum og öðrum hægfara og botnföstum dýrum. Æðafuglinn er eins og áður sagði sjófugl sem gefur til kynna að öll afkoma hans og lífshættir eru nátengdir sjónum. Í Vestmannaeyjum heldur fuglinn sér víðsvegar um eyjarnar og iðulega nálægt sjónum, því má segja að hann verpi nánast um allt.

Einkvæni ríkir meðal æðarfugla og er hjúskapurinn nokkuð traustur. Æðarkollan vill helst vera alveg í friði frá öðrum fuglum en maka sínum, hún sér um að búa til hreiðrið og reitir af sér dún til að hafa undir og utan um eggin. Varptíminn er á vorin fram í lok júní, eggin eru 4-6, eggjaskurnið er oftast grágrænt, grænt eða mosagrænt. Útungunartíminn er ekki langur eða 25-28 dagar. Þegar ungarnir eru orðnir um eins sólarhrings gamlir eru þeir dregnir niðrí sjávarmál og móðurtengslin slitna svo smám saman. Nytjar af æðarfuglinum eru miklar og er æðarfuglinn talinn arðmesti fugl Íslands Við nýtum dúninn í sængur, kodda og svefnpoka og er hann mjög vinsæll til þeirra nota.