Pétur Sigurðsson (skipstjóri)

Úr Heimaslóð, Sögusetri Vestmannaeyja
Fara í flakk Fara í leit
Guðni Pétur Sigurðsson.

Guðni Pétur Sigurðsson á Karlsbergi við Heimagötu 20, vélstjóri, skipstjóri fæddist 30. júlí 1921 á Hjalla og lést 16. mars 2012.
Foreldrar hans voru Sigurður Helgason frá Götu, f. 11. desember 1888, d. 24. júlí 1935, hrapaði við fuglaveiðar í Miðkletti, og kona hans Elínborg Guðný Ólafsdóttir húsfreyja, f. 9. nóvember 1893 að Kirkjufelli í Eyrarsveit á Snæfellsnesi, d. 15. desember 1944.

Börn Sigurðar og Elínborgar Guðnýjar:
1. Oddný Ólafía Sigurðardóttir húsfreyja, verkakona, f. 15. ágúst 1916 í Hlíðarhúsi, d. 7. desember 2003, gift Tryggva Gunnarssyni vélstjóra og útgerðarmanni, f. 29. apríl 1916, d. 22. mars 2001.
2. Björn Helgi Sigurðsson, f. 4. janúar 1920, d. 14. janúar 1920.
3. Guðni Pétur Sigurðsson skipstjóri, f. 30. júlí 1921 á Hjalla, d. 16. mars 2012, kvæntur Guðríði Ólafsdóttur húsfreyju að Heimagötu 20, Karlsbergi, f. 21. október 1919, d. 21. október 1984.
4. Unnur Lea Sigurðardóttir húsfreyja, f. 9. ágúst 1922 á Hjalla, d. 30. maí 1998, gift Helga Bergvinssyni skipstjóra, f. 26. ágúst 1918, d. 16. maí 1989.
5. Helgi Jón Sigurðsson sjómaður og verkamaður á Siglufirði, f. 11. júní 1925 í Götu, d. 17. janúar 2008, kvæntur Söru Símonardóttur húsfreyju, f. 30. ágúst 1923, d. 27. ágúst 2004.
6. Sigríður Sigurðardóttir, f. 25. desember 1926 í Götu, d. 2. apríl 1927.

Pétur var með foreldrum sínum á Hjalla og í Götu í bernsku, var með móður sinni í Sunnuhlíð, (Vesturvegi 30) 1940.
Pétur byrjaði formennsku 1945, fékk 120 tonna réttindi við Stýrimannaskólann í Vestmannaeyjum 1958, var skipstjóri og stýrimaður til ársins 1974.
Þau Guðríður giftu sig 1942 og bjuggu í Fagurlyst með Erlingi og Sigrúnu 1945, á Stóru-Heiði 1947, en voru komin á Heimagötu 20 1948 með fjögur börn sín. Þar fæddust Ingibjörg og Guðrún og þar bjuggu þau síðan í Eyjum meðan friður gafst, en hús þeirra eyðilagðist í Gosinu.
Á meðan á gosinu stóð starfaði hann við hjálparstörf á Lóðsinum og síðar við netavinnu á Eyrarbakka, var þar enn 1986.
Guðríður lést 1984.
Hann flutti aftur til Eyja og vann þar hjá útgerð Bylgju VE 75 við netavinnu.
Seinustu árin bjó hann á dvalarheimilinu Hraunbúðum.
Pétur lést 2012.

I. Kona Péturs, (1942), var Guðríði Ólafsdóttur frá Fagradal í Mýrdal, húsfreyja að Heimagötu 20, Karlsbergi, f. 21. október 1919, d. 21. október 1984.
Börn þeirra:
1. Sigurður Erling Pétursson skipstjóri, útgerðarmaður, bóndi, f. 25. október 1942.
2. Sigrún Pétursdóttir húsfreyja, f. 19. september 1944.
3. Erla Pétursdóttir húsfreyja, f. 5. febrúar 1947.
4. Svana Pétursdóttir húsfreyja, f. 4. september 1948.
5. Ingibjörg Pétursdóttir húsfreyja, f. 6. febrúar 1952.
6. Guðrún Pétursdóttir húsfreyja, f. 10. júlí 1956.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Morgunblaðið 24. mars 2012. Minning.
  • Prestþjónustubækur.
  • Skipstjóra- og stýrimannatal. Guðmundur Jakobsson. Ægisútgáfan 1979.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.