Þórarinn Hallbjörnsson
Þórarinn Hallbjörnsson matsveinn, bryti fæddist 7. ágúst 1916 á Seyðisfirði og lést 3. febrúar 1978.
Foreldrar hans voru Hallbjörn Þórarinsson frá Hnitbjörgum í Jökulsárhlíð, N. Múl., trésmiður á Seyðisfirði og í Reykjavík, f. 25. nóvember 1890, d. 20. júní 1982, og kona hans Halldóra Sigurbjörg Sigurjónsdóttir frá Langanesi, húsfreyja, f. 1. apríl 1893, d. 12. október 1955.
Þórarinn var með foreldrum sínum í Sigurjónshúsi á Seyðisfirði 1920 og fluttist með þeim til Reykjavíkur 1929.
Hann var sendisveinn þar 1930, lærði mateiðslu og var til sjós og bryti á flutningaskipum, m.a. á Sæfellinu og Helga.
Í Reykjavík vann hann m.a. hjá Eimskipum og Hafskipum.
Þau Hildur Þóra bjuggu á Sólvangi við giftingu hjá bæjarfógeta í febrúar 1940, bjuggu í Hlíðarhúsi í lok ársins með nýfæddan son sinn og enn 1943 við fæðingu Matthildar.
Þau bjuggu á Löndum 1945 og 1951.
Fjölskyldan flutti til Reykjavíkur 1951. Þar eignuðust þau eitt barn.
Hildur Þóra lést 1975 og Þórarinn 1978.
I. Kona Þórarins, (17. febrúar 1940), var Hildur Þóra Þórarinsdóttir frá Lundi, húsfreyja, f. 29. maí 1918, d. 17. júní 1975.
Börn þeirra:
1. Hallbjörn Þórarinn Þórarinsson, f. 21. júlí 1940 í Eyjum.
2. Matthildur Þórarinsdóttir, f 30. nóvember 1943 í Hlíðarhúsi.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Sjómannadagsblað Vestmannaeyja 1978
Þessi grein tilheyrir Æviskrám Eyjafólks eftir Víglund Þór Þorsteinsson.