Þóranna Guðrún Jónsdóttir (Ekru)

Úr Heimaslóð, Sögusetri Vestmannaeyja
Útgáfa frá 1. desember 2018 kl. 12:40 eftir Viglundur (spjall | framlög) Útgáfa frá 1. desember 2018 kl. 12:40 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Þóranna og Sigbjörn.

Þóranna Guðrún Jónsdóttir húsfreyja á Ekru fæddist 28. maí 1887 og lést 9. júní 1920.
Faðir hennar var Jón sjómaður í Norðurgarði, f. 11. mars 1859, hrapaði til bana úr Ystakletti 20. ágúst 1890, Ísaks Jakobs bónda í Norðurgarði 1860, vinnumanns í Ömpuhjalli 1870, f. 1833 í Eyvindarhólasókn, Jónssonar bónda á Hrútafelli 1835, á Helgusöndum í Stóra-Dalssókn 1845, f. 1801 í Breiðavíkursókn, d. 17. janúar 1859, Brynjúlfssonar, og konu Jóns Brynjúlfssonar, Þóru húsfreyju, f. 1799 í Steinasókn, d. 4. mars 1864, Jónsdóttur.
Móðir Jóns Ísakssonar og kona Ísaks Jakobs var Guðrún húsfreyja í Norðurgarði 1860; var á Moldnúpi 1835, húskona í Grímshjalli 1870, f. 1833 í Holtssókn, Ólafsdóttir bónda í Miðskála og Gerðakoti undir Eyjafjöllum, f. 3. október 1809 á Kirkjulandi í A-Landeyjum, drukknaði 30. september 1859, og barnsmóður Ólafs í Gerðakoti.

Móðir Þórönnu á Ekru og kona (1885) Jóns Ísakssonar var Guðbjörg húsfreyja í Framnesi 1910; var í Elínarhúsi 1870, húsfreyja á Kirkjubæ 1890, f. 31. ágúst 1858, Guðmundsdóttir frá Elínarhúsi, f. 1836, Péturssonar sjómanns í Elínarhúsi 1845, f. 1. október 1799, d. 15. maí 1859, Jónssonar, og konu Péturs Jónssonar, Guðrúnar húsfreyju, f. 1. mars 1806 í Álftagróf í Mýrdal, d. 28. febrúar 1880 í Elínarhúsi, Eyjólfsdóttur.
Móðir Guðbjargar og kona Guðmundar Péturssonar var Margrét húsfreyja, f. 17. júní 1825 undir Eyjafjöllum, d. 19. október 1911, Arnbjörnsdóttir bónda í Miðbæli og Rauðafelli undir Eyjafjöllum, f. 1764, d. 5. mars 1841, Jónssonar.

Ólafur Pétursson í Gerðakoti, faðir Guðrúnar í Norðurgarði, var bróðir Þóru móður Péturs Benediktssonar í Þorlaugargerði.
Systir Jóns Ísakssonar var Björg kona Elís Sæmundssonar smiðs í Björgvin.
Sonur Ísaks Jakobs og Valgerðar Jónsdóttur frá Litlabæ, f. 1832, d. 1896, var Hjálmar í Kufungi, faðir Jóns Hjálmarssonar í Sætúni og þeirra systkina.

Maður Þórönnu Guðrúnar (1904) var Sigbjörn Björnsson á Ekru, f. 8. september 1876, d. 21. maí 1962.
Börn Þórönnu Guðrúnar og Sigbjörns:
1. Guðbjörn Jón Sigbjörnsson skipstjóri, f. 28. mars 1907, d. 1. mars 1942, fórst, er v.b. Þuríði formann VE 233 hrakti upp í Selatanga austan Grindavíkur. Hann var kvæntur Maríu Kristjánsdóttur húsfreyju, f. 8. september 1909, d. 23. desember 2013.
2. Elínborg Guðríður Sigbjörnsdóttir, f. 3. september 1911, d. 11. ágúst 1995, gift Haraldi Hannessyni útgerðarmanni og skipstjóra, f. 24. júní 1911, d. 11. maí 2000.
3. Þórarinn Ársæll Sigbjörnsson bóndi á Borgareyri í Mjóafirði eystra, f. 18. janúar 1914, d. 7. desember 1992. Kona hans var Margrét Sigríður Svava Sveinsdóttir húsfreyja frá Borgareyri í Mjóafirði, f. 27. apríl 1914, d. 18. september 2011.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.