Árni Sigurðsson (Rauðafelli)

Úr Heimaslóð, Sögusetri Vestmannaeyja
Útgáfa frá 28. mars 2021 kl. 11:56 eftir Viglundur (spjall | framlög) Útgáfa frá 28. mars 2021 kl. 11:56 eftir Viglundur (spjall | framlög)
Fara í flakk Fara í leit

Árni Sveinbjörn Kjartan Sigurðsson frá Rauðafelli u. Eyjafjöllum, netagerðarmaður fæddist 20. október 1903 og lést 13. janúar 1997.
Foreldrar hans voru Sigurður Sveinsson bóndi, f. 10. ágúst 1851 í Sólheimahjáleigu í Mýrdal, d. 4. júní 1920, og kona hans Jakobína Steinvör Skæringsdóttir húsfreyja, f. 8. ágúst 1858, d. 8. febrúar 1917.

Börn Jakobínu og Sigurðar í Eyjum:
1. Skæringur Sigurðsson bóndi, smiður, f. 14. mars 1886, d. 27. febrúar 1973.
2. Guðlaug Sigurðardóttir húsfreyja, Bessastíg 8, f, 24. mars 1888, d. 22. mars 1983.
3. Jóhann Björn Sigurðsson útgerðarmaður, Brekastíg 16, f. 8. október 1889, d. 17. september 1972.
4. Sigurlína Sigurðardóttir verkakona, öryrki, f. 4. desember 1892, d. 8. október 1960.
5. Elín Sigurðardóttir húsfreyja, Skólavegi 25, f. 10. maí 1899, d. 7. maí 1966.
6. Árni Sveinbjörn Kjartan Sigurðsson verkamaður, f. 22. október 1903, d. 13. janúar 1997.

Árni var með foreldrum sínum í æsku, en móðir hans lést, er hann var á fjórtánda árinu.
Hann var á Rauðafelli 1920, bróðir bústjórans, vinnumaður þar 1923-1933, vinnumaður í Drangshlíðardal 1934 og þar var Sigríður kona hans.
Þau Sigríður giftu sig 1933, fluttu til Eyja 1935, eignuðust tvö börn, en misstu annað þeirra rúmlega hálfs árs gamalt. Þau bjuggu á Brekastíg 7 1935, á Faxastíg 8 1938, síðar í Langa-Hvammi, en voru í Steinholti við Kirkjuveg 9a 1949. Þau keyptu Litla-Hraun við Vesturveg 17b 1952 og bjuggu þar til Goss. Dvöldu í Reykjavík og síðan í Hveragerði, en fluttu til Eyja 1974 og að Litla-Hrauni.
Sigríður lést 1985. Árni fluttist að Hraunbúðum. Hann lést 2017.

I. Kona Árna, (1933), var Sigríður Jónsdóttir frá Drangshlíðardal, húsfreyja, f. 9. ágúst 1909, d. 8. ágúst 1985.
Börn þeirra:
1. Elín Karólína Árnadóttir, f. 20. júní 1938 á Faxastíg 8, d. 28. desember 1938.
2. Elín Lilja Árnadóttir húsfreyja, lengst á Selfossi, f. 16. nóvember 1939 í Langa-Hvammi. Maður hennar er Jóhann Sigurbergur Guðnason.



Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.