Vilhjálmur Árnason (Burstafelli)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.
Vilhjálmur Árnason.

Vilhjálmur Árnason verzlunarmaður og framkvæmdastjóri frá Burstafelli fæddist 19. febrúar 1921 og lézt 19. febrúar 1993.
Foreldrar hans voru Árni Oddsson, f. 1888 og k.h. Sigurbjörg Sigurðardóttir, f. 1883.

Vilhjálmur lauk prófi frá Gagnfræðaskólanum. Hugur hans stóð til framhaldsnáms, en vegna heimilisaðstæðna varð því ekki við komið. Var hann áhugasamur og liðtækur knattspyrnumaður í Þór.
Vilhjálmur var verzlunarmaður, m. a. í Vöruhúsinu og Kaupfélagi Vestmannaeyja. Þau María keyptu Fatahreinsunina StraumSkólavegi 4 árið 1958. Ráku þau þar fatahreinsun og þvottaþjónustu, m.a. fyrir Vestmannaeyjabæ. Eftir gos keyptu þau og ráku þvottahús á Flötunum til ársins 1988, er þau Vilhjálmur urðu að hætta rekstrinum vegna veikinda hans. Hann vann síðan á vernduðum vinnustað í Eyjum.

I. Kona Vilhjálms, (22. febrúar 1942), var María Gísladóttir, f. 6. mars 1923, d. 11. janúar 2016.
Börn þeirra:
1. Óli Árni Vilhjálmsson sjúkraliði í Njarðvíkum, f. 18. október 1941, d. 24. desember 2021.
2. Þór Ísfeld Vilhjálmsson verkstjóri, f. 30. nóvember 1945. Kona hans Sólveig Adolfsdóttir.
3. Sæmundur Vilhjálmsson rafmagnseftirlitsmaður í Njarðvíkum, f. 7. desember 1948. Fyrrum kona hans Elín Kristín Þorsteinsdóttir. Kona hans Fríða Jóna Ágústsdóttir.
4. Sigurbjörg Vilhjálmsdóttir húsfreyja, f. 2. nóvember 1956. Maður hennar Muggur Pálsson.
5. Vilhjálmur Vilhjálmsson vaktmaður, f. 5. mars 1963. Kona hans Ragnheiður Svansdóttir.


Myndir


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.