Valgerður Jónsdóttir (Goðafelli)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.

Valgerður Jónsdóttir á Goðafelli, fyrrum húsfreyja í Nýjabæ í Sandvíkurhreppi í Flóa fæddist 6. janúar 1858 á Fossnesi í Gnúpverjahreppi og lést 31. maí 1949.
Foreldrar hennar voru Jón Jónsson bóndi, f. 8. mars 1820, d. 18. ágúst 1897, og kona hans Guðný Magnúsdóttir frá Fossnesi, húsfreyja, f. 9. apríl 1825, d. 16. september 1898.

Valgerður með foreldrum sínum í Fossnesi 1860, niðursetningur á Hamarsheiði þar 1870, vinnukona í Steinsholti þar 1880 og enn 1888.
Hún var skráð gift húskona á Hömrum í Gnúpverjahreppi 1890 með barn sitt Magneu Gísladóttur tveggja ára, en Gísli var skráður 50 ára ókvæntur vinnumaður í Eystra- Geldingaholti þar. Hún fluttist frá Steinsholti í Gnúpverjahreppi að Nýjabæ í Sandvíkurhreppi í Flóa 1891, var húsfreyja þar 1901 og 1910 með börnin Magneu, Guðmund og Valdimar og sambýlismanninn Jónas Jónsson.
Valgerður var lausakona í Eyðisandvík í Flóa 1920 og á Goðafelli við Hvítingaveg 1930 og 1940, en kommin til Guðmundar sonar síns á Brekastíg 25 1945.
Valgerður lést 1949.

I. Maður Valgerðar var Gísli Guðmundsson bóndi í Nýjabæ í Sandvíkurhreppi, f. 14. maí 1840, drukknaði 20. mars 1897.
Börn þeirra hér:
1. Magnea Gísladóttir vinnukona, f. 7. september 1888 í Steinholti í Gnúpverjahreppi, d. 9. nóvember 1958.
2. Guðmundur Gíslason afgreiðslumaður, f. 19. október 1893, d. 14. maí 1972.
3. Valdimar Gíslason múrari, síðar í Keflavík, f. 6. júlí 1895, d. 17. júlí 1968.

II. Sambýlismaður hennar var Jónas Jónsson, f. 25. janúar 1859, d. 16. júní 1923.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.