Unnur VE-80

Líkan af báti með danska laginu, líkt fyrstu vélbátarnir voru

Mótorbáturinn Unnur VE-80 kom til Eyja fjórum dögum á eftir Knerrinum, þann 9. september 1905, og var báturinn fluttur frá Danmörku með Lauru. Unnur var nýsmíði frá Frederikssund í Danmörku, súðbyrt, 7,23 tonn að stærð, 33 fet á lengd og 8 feta breið. Í henni var átta hestafla Dan-vél. Fimm voru eigendur að Unni; formaðurinn Þorsteinn Jónsson í Laufási, Geir Guðmundsson Geirlandi, Friðrik Svipmundsson Löndum, Þórarinn Gíslason Lundi og Þorsteinn Jónsson í Jómsborg sem var vélamaður.

Þann 8. apríl árið 1908 bjargaði áhöfnin á Unni franskri skútu úr háska við eyjarnar.

Meðal annarra voru þessir skipverjar á Unni:

• Þorsteinn í Laufási formaður 1905-1938
• Sigurður Jónsson Ben formaður 1924
• Ólafur Jónsson formaður frá 1938
• Þórður Stefánsson formaður
• Kristinn Ingvarsson háseti í nokkur ár frá 1911
• Þórður Þórðarson 1912-1920
• Hannes Hansson steig sín fyrstu sjómannsskref á Unni
• Guðsteinn Þorbjörnsson formaður um miðja 20. öldina
• Jóhann Ármann Kristjánsson