Sveinbjörn Þórarinn Einarsson

Úr Heimaslóð, Sögusetri Vestmannaeyja
Útgáfa frá 25. mars 2019 kl. 22:20 eftir Viglundur (spjall | framlög) Útgáfa frá 25. mars 2019 kl. 22:20 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Sveinbjörn Þórarinn Einarsson (Þóri) bifreiðastjóri fæddist 19. júlí 1919 að Jaðri og lést 8. desember 1995 á Landspítalanum.
Foreldrar hans voru Einar Þórðarson frá Götu í Holtum, Rang., verkamaður, lifrarbræðslumaður, f. 9. júní 1882, d. 12. febrúar 1925 á Sólheimum og síðari kona hans var Guðrún Gísladóttir, f. 18. mars 1891 í Indriðakoti u. Eyjafjöllum, d. 12. nóvember 1925 á Litlu-Löndum.
Fósturforeldrar hans voru Gísli Jónsson bóndi í Ysta-Skála u. Eyjafjöllum, f. 7. nóvember 1876, d. 28. september 1950 og kona hans Sigríður Jónsdóttir húsfreyja, f. 18. júlí 1891, d. 18. október 1983.

Börn Einars og fyrri konu hans Ingunnar Jónsdóttur og hálfsystkini Sveinbjarnar Þórarins:
Börn Ingunnar og Einars:
1. Ásgeir Einarsson ráðsmaður, bóndi, síðan iðnverkamaður í Reykjavík, f. 14. febrúar 1907 á Horni í Bjarnanessókn í A-Skaft., d. 23. desember 1983.
2. Óskar Hafsteinn Einarsson, f. 6. september 1908 á Strönd í Stöðvarfirði, d. 27. nóvember 1932.
3. Nanna Einarsdóttir húsfreyja í Reykjavík, f. 14. janúar 1910 á Strönd í Stöðvarfirði, d. 3. janúar 1997. Hún var alin upp á Skeggjastöðum í Gerðahreppi hjá Guðnýju Gísladóttur og Guðmundi Guðmundssyni skósmið.
4. Guðlaug Lovísa Einarsdóttir húsfreyja á Fáskrúðsfirði, f. 14. janúar 1911 á Gjábakka, síðast á Árbliki í Fáskrúðsfirði, d. 16. maí 1993.
5. Helga Einarsdóttir húsfreyja á bænum Berufirði í Berufirði, S-Múl., f. 10. október 1912 á Nýlendu, d. 13. febrúar 1993.
6. Páll Vídalín Einarsson bifreiðastjóri á Höfn við Hornafjörð, f. 20. nóvember 1914 á Kirkjubæ, d. 13. desember 1988.
7. Svanhvít Kristín Einarsdóttir vinnukona, f. 18. desember 1916 í París, d. 20. maí 1934.
8. Kristinn Ingi Einarsson, f. 10. júní 1918 á Eiðinu, d. 13. nóvember 1945. Hann var fóstraður hjá Guðrúnu Eyjólfsdóttur á Reynivöllum í Suðursveit, A-Skaft., bjó síðast á Hraunbóli í V-Skaft.

Börn Einars Þórðarsonar og Guðrúnar Gísladóttur, síðari konu hans:
9. Sveinbjörn Þórarinn Einarsson bifreiðastjóri, f. 19. júlí 1919 á Jaðri, d. 8. desember 1995.
10. Þuríður Einarsdóttir, f. 15. september 1920 á Litlu-Grund, dó óskírð, en nefnd.
11. Þuríður Einarsdóttir, f. 22. maí 1922 á Litlu-Grund, síðar húsfreyja í Reykjavík, d. 14. mars 1992.
12. Ingunn Eyrún Einarsdóttir, f. 28. júní 1925 á Litlu-Grund, finnst ekki síðan og mun hafa dáið ung.
Hálfbróðir Sveinbjarnar Þórarins var
13. Gísli Jóhann Hinrik Einarsson, f. 15. ágúst 1912, d. 20. maí 1943.

Sveinbjörn var með foreldrum sínum fyrstu árin, með móður sinni á Jaðri 1919, með þeim á Litlu-Grund, á Sólheimum og þar lést faðir hans, og síðast var hann með móður sinni á Litlu-Löndum, en þar lést hún á sama ári og Einar, en þá var Þórarinn fimm og sex ára.
Hann fór í fóstur að Skála u. Eyjafjöll 1925 til Sigríðar og Gísla. Hann var síðar vinnumaður þar, en lengst bifreiðastjóri í Reykjavík, fyrst hjá Steindóri, síðan hjá BSR, en síðustu 15 starfsárin starfaði hann hjá Landsbanka Íslands. Þau Kristín giftu sig 1943, eignuðust þrjú börn.
Sveinbjörn Þórarinn lést 1995 og Kristín 2005.

I. Kona Sveibjarnar Þórarins, (3. júlí 1943), var Kristín Elíasdóttir frá Oddhól á Rangárvöllum, húsfreyja, f. 23. desember 1918, d. 22. maí 2005. Foreldrar hennar voru Elías Steinsson frá Oddhól, bóndi, síðar í Reykjavík, f. 3. febrúar 1884 í Oddhól, d. 16. janúar 1957, og kona hans Sveinbjörg Bjarnadóttir frá Stokkseyri, húsfreyja, f. 18. október 1897, d. 14. nóvember 1944.
Börn þeirra:
1. Elías Sveinbjörn Sveinbjörnsson starfsmaður Áburðarverksmiðju Ríkisins, síðar stuðningsfulltrúi á Landspítala, f. 20. janúar 1943. Síðari kona hans er Edda Vilborg Guðmundsdóttir.
2. Einar Sveinbjörnsson starfsmaður hjá SÍF, f. 10. júlí 1947. Kona hans, (skildu), var Anna Þuríður Guðlaugsdóttir Gíslasonar.
3. Kristín Steinunn Sveinbjörnsdóttir húsfreyja, f. 7. október 1950. Maður hennar var Kristján Á. Bjarnason, látinn.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Morgunblaðið 19. desember 1995. Minning.
  • Prestþjónustubækur.
  • Rangvellingabók. Valgeir Sigurðsson. Rangárvallahreppur, Hellu 1982.


Þessi grein tilheyrir Æviskrám Eyjafólks eftir Víglund Þór Þorsteinsson.