Sjómannadagsblað Vestmannaeyja 2005/Vestmannaeyjahöfn - Skipakomur 2004

Úr Heimaslóð, Sögusetri Vestmannaeyja
Útgáfa frá 15. ágúst 2019 kl. 14:49 eftir Valli (spjall | framlög) Útgáfa frá 15. ágúst 2019 kl. 14:49 eftir Valli (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Vestmannaeyjahöfn - Skipakomur 2004


Vestmannaeyjahöfn séð úr lofti

Framkvæmdir við höfnina

Gísli Einarsson hóf störf við Vestmannaeyjahöfn í árslok 1988. Til skiptis starfar hann sem hafnsögumaður, vélstjóri og skipstjóri á Lóðsinum

Frá júní 2004 - mars 2005 hafa starfsmenn Sæþórs ehf, og tæki, unnið við dýpkun hafnarinnar. Við Skáann og Skipalyftuna eru 6,5 m., Gjábakkann 7m. Við Básaskersbryggju utanverða eru 6 m. og innan við Nausthamar eru 5 m. Annars staðar innan hafnar er dýpið komið niður í 8 m.
Í innsiglingunni, milli garða og þar fyrir utan er dýpið 9 - 10 m. Snúningssvæði fyrir stórskip er nú orðið 210 m. í þvermál og alls staðar 8 m. dýpi. Í minnisblaði Siglingastofnunar til Vestmannaeyjahafnar segir að við góðar aðstæður sé nú reiknað með að hægt sé að snúa skipum allt að 160 m. löngum og þá með aðstoðs öflugs dráttarbáts.
Allt dýpi er miðað við meðalstórstraumsfjöru.
Magnið sem hefur farið upp af botni hafnarinnar við þessar framkvæmdir er um 200 þús. rúmmetrar. Aðallega hefur það verið flutt inn fyrir Eiði. Til þess að gefa smá mynd af þessari hrúgu og Heimaklettur hafður til viðmiðunar, þá er hún eins og hæð hans, 283 m og flöturinn sem hún næði yfir, rúmir 700 fermetrar.
Hafnarstjóri er Ólafur M. Kristinsson.