Sigurður Þór Sveinsson

Úr Heimaslóð, Sögusetri Vestmannaeyja
Útgáfa frá 12. september 2020 kl. 17:08 eftir Viglundur (spjall | framlög) Útgáfa frá 12. september 2020 kl. 17:08 eftir Viglundur (spjall | framlög) (Ný síða: '''Sigurður Þór Sveinsson''' frá Múla, plötu- og ketilsmiður, verslunarstjóri fæddist 23. mars 1951.<br> Foreldrar hans voru Sveinn Magnússon (Múla)|Sveinn Mag...)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Sigurður Þór Sveinsson frá Múla, plötu- og ketilsmiður, verslunarstjóri fæddist 23. mars 1951.
Foreldrar hans voru Sveinn Magnússon vélstjóri, trésmiður, lögregluþjónn, kennari, f. 22. júlí 1921 í Litla-Bergholti, d. 26. september 2008, og kona hans Sigríður Steinsdóttir frá Múla, húsfreyja, f. þar 1. mars 1925.

Sigurður Þór var með foreldrum sínum í æsku.
Hann varð 4. bekkjar gagnfræðingur í Gagnfræðaskólanum 1967, sveinn í Plötu- og ketilsmíði 1975 og fékk meistarabréf 1978.
Hann var sjómaður og fiskverkamaður hjá Ísfélaginu, vann við iðn sína til 1980. Þá var hann á Vestmannaey VE 54 í tvö ár og vann við hitaveituna í tvö ár.
Hann réðst til Olís og var þar verslunarstjóri í 31 ár.
Þau Ólafía giftu sig 1971, eignuðust þrjú börn, bjuggu í Breiðuvík við Kirkjuveg 82, byggðu og bjuggu að Áshamri 12, en skildu 1984.
Sigurður bjó með Regínu á Vallargötu 12. Þau slitu sambúð, barnlaus.
Þau Sigríður giftu sig 2005, eiga ekki börn saman. Þau búa í Sólheimatungu við Brekastíg 14.

I. Fyrri kona Sigurðar Þórs, (1971, skildu), var Ólafía Guðrún Halldórsdóttir frá Húsavík í S-Þing., húsfreyja, síðast á Selfossi, f. 8. júní 1953, d. 26. febrúar 2019. Foreldrar hennar voru Halldór Davíð Benediktsson frá Hólmavaði, S-Þing., bakari, sjómaður, matsveinn, fiskeldisstarfsmaður, f. 9. febrúar 1929, d. 9. maí 2009, og kona hans Matthildur Zophoníasdóttir húsfreyja, f. 22. nóvember 1928.
Börn þeirra:
1. Halldór Davíð Sigurðsson þjónn, f. 8. júní 1971. Barnsmóðir hans Anna Birna Björnsdóttir. Barnsmóðir hans Steinunn Ásta Hermannsdóttir. Kona hans Sandra Guðmundsdóttir.
2. Ævar Sigurðsson húsasmiður, f. 30. desember 1975. Fyrrum kona hans Jóhanna Ýr Jóhannsdóttir.
3. Arnar Þór Sigurðsson vélgæslumaður, f. 16. ágúst 1982. Fyrrum sambýliskona Dagrún Ösp Össurardóttir. Sambýliskona hans Sólrún Þórðardóttir.

II. Sambýliskona Sigurðar Þórs var Regína Kristjánsdóttir, f. 8. júlí 1964. Þau slitu sambúð, barnlaus. Foreldrar hennar voru Kristján Friðriksson húsasmíðameistari, f. 29. júlí 1935, d. 11. október 2010, og kona hans Concordia Konráðsdóttir húsfreyja, f. 18. desember 1942.
Þau áttu ekki börn.

III. Síðari kona Sigurðar, (26. janúar 2005), er Sigríður Sveinbjörg Þórðardóttir frá Engidal, húsfreyja, ræstingastjóri, f. þar 4. júní 1954.
Þau eignuðust ekki börn.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.