Sigríður Vigfúsdóttir (Holti)

Úr Heimaslóð, Sögusetri Vestmannaeyja
Útgáfa frá 6. september 2020 kl. 14:12 eftir Viglundur (spjall | framlög) Útgáfa frá 6. september 2020 kl. 14:12 eftir Viglundur (spjall | framlög) (Ný síða: '''Sigríður Dagný Vigfúsdóttir''' frá Holti, húsfreyja í Hafnarfirði fæddist 15. september 1903 í Holti og lést 5. október 1994 á Sólvangi í Hafnarfirði.<br> Fore...)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Sigríður Dagný Vigfúsdóttir frá Holti, húsfreyja í Hafnarfirði fæddist 15. september 1903 í Holti og lést 5. október 1994 á Sólvangi í Hafnarfirði.
Foreldrar hennar voru Vigfús Jónsson frá Túni, formaður og útgerðarmaður í Holti, f. 14. júní 1872 í Túni, d. 26. apríl 1943, og kona hans Guðleif Guðmundsdóttir frá Vesturhúsum, húsfreyja, f. þar 11. október 1879, d. 19. ágúst 1922.

Börn Guðleifar og Vigfúsar:
1. Guðrún húsfreyja, f. 27. september 1901. Hún giftist dönskum manni og bjó í Danmörku.
2. Sigríður Dagný húsfreyja, f. 15. september 1903, d. 5. október 1994.
3. Guðmundur skipstjóri og útgerðarmaður, f. 10. febrúar 1906, d. 6. október 1997.
4. Jón vélstjóri og útgerðarmaður, f. 22. júlí 1907, d. 9. september 1999.
5. Þórdís húsfreyja, f. 29. júlí 1912, d. 15. desember 2004.
6. Guðlaugur útgerðarmaður, f. 16. júlí 1916, d. 27. apríl 1989.
7. Axel öryrki, f. 16. október 1918, d. 16. október 2001.
8. Barn, sem dó nokkru eftir fæðingu.
Börn Vigfúsar og síðari konu hans Valgerðar Jónsdóttur:
9. Þorvaldur Örn húsgagnasmíðameistari, f. 24. janúar 1929, d. 16. september 2002.
10. Guðleif húsfreyja, f. 13. júlí 1926, d. 27. september 2013.
Dóttir Valgerðar:
11. Þórdís Hansdóttir Erlendsson, f. 1. maí 1915, d. 9. maí 2005.

Sigríður var með foreldrum sínum í æsku. Þau Eiður giftu sig 1925, eignuðust ekki börn, skildu.
Sigríður eignaðist Guðleifu Sigríði Guðrúnu 1934 í Reykjavík, bjó með henni í Ráðagerði við Skólaveg 1940.
Þau Einar og Sigríður giftu sig 1943, eignuðust ekki börn saman, en Guðleif varð kjördóttir Einars. Þau bjuggu í Hafnarfirði.
Einar lést 1992 og Sigríður 1994.

Sigríður var tvígift.
I. Fyrri maður hennar, (31. október 1925, skildu), var Eiður Jónsson frá Hóli í Fjörðum, S-Þing, skipstjóri, f. 7. febrúar 1902 á Knarrareyri í Flateyjardal, d. 28. febrúar 1939. Foreldrar hans voru Jón Jónsson Fanndal frá Helgustöðum í Skagafirði, bóndi á Knarrareyri, f. 22. ágúst 1872, d. 23. mars 1969, og Manasína Guðrún Sigurðardóttir frá Skógum í Öxnadal, vinnukona, f. 25. nóvember 1877, d. 4. febrúar 1944.
Þau voru barnlaus.

II. Síðari maður Sigríðar, (1943), var Einar Jóhannesson frá Hafnarfirði, skipstjóri, útgerðarmaður, f. 24. júlí 1915, d. 19. nóvember 1992. Foreldrar hans voru Jóhannes Vilhelm Pétur Einarsson innheimtumaður, bryggjuvörður í Hafnarfirði, f. 5. desember 1878, d. 10. apríl 1942, og kona hans Steinunn Pálmadóttir húsfreyja, f. 20. mars 1882, d. 4. apríl 1946.
Barn þeirra (kjörbarn hans):
1. Guðleif Sigríður Guðrún Einarsdóttir (Gunný) húsfreyja í Hafnarfirði, f. 14. desember 1934, d. 13. september 2001. Maður hennar, skildu, var Ólafur Sveinbjörnsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.