Sigríður Mínerva Jensdóttir

Úr Heimaslóð, Sögusetri Vestmannaeyja
Fara í flakk Fara í leit

Sigríður Mínerva Jensdóttir frá Einidrangi við Brekastíg 29, húsfreyja fæddist þar 3. nóvember 1943.
Foreldrar hennar voru Jens Sigurður Ólafsson bifreiðastjóri, f. 19. maí 1909 á Hofsósi, Skagaf., d. 23. febrúar 1992, og kona hans Kristný Jónína Valdadóttir húsfreyja, f. 10. október 1909 í Mið-Skála u. Eyjafjöllum, d. 10. ágúst 1993.
Fósturforeldrar hennar voru Sigurjón Valdason sjómaður, starfsmaður Bæjarins, f. 29. október 1912, d. 13. maí 1984, og kona hans Mínerva Kristinsdóttir húsfreyja, f. 8. september 1919 á Bakkafirði, N.-Múl., d. 18. apríl 2003.

Börn Kristnýjar og Jens:
1. Ólafur Jensson, f. 26. ágúst 1929 á Búrfelli, d. 28. janúar 1930.
2. Lilja Sigríður Jensdóttir, f. 9. nóvember 1930 á Dyrhólum, Hásteinsvegi 15 B. Maður hennar var Guðlaugur Þórarinn Helgason, látinn.
3. Fjóla Jensdóttir, f. 15. apríl 1932 á Dyrhólum, d. 31. mars 1986. Maður hennar Bogi Sigurðsson.
4. Guðmunda Guðrún Jensdóttir, f. 13. september 1936. Fyrrum maður hennar Þorbjörn Ásgeirsson.
5. Sigríður Mínerva Jensdóttir, f. 3. nóvember 1943 í Einidrangi. Maður hennar Kristinn Skæringur Baldvinsson.
Fósturdóttir hjónanna, dóttir Guðrúnar Jensdóttur er
6. Guðný Linda Antonsdóttir, f. 14. júlí 1953.

Sigríður Mínerva var með foreldrum sínum uns hún fór í fóstur til Mínervu og Sigurjóns móðurbróður síns 1945.
Sigríður Mínerva var eina barn fósturforeldra sinna. Hún var með þeim í æsku.
Hún varð 4. bekkjar gagnfræðingur í Gagnfræðaskólanum 1960, varð stúdent í Fjölbrautarskólanum í Hamrahlíð 1978, varð viðskiptafræðingur í Háskóla Íslands 1984, nam við verslunarháskóla í Danmörku 1984-1987.
Sigríður Minerva vann í Útvegsbanka Íslands í Eyjum og við fiskiðnað, síðar í Íslandsbanka í Reykjavík og á skrifstofu Landspítalans frá 1990-2000.
Þau Kristinn giftu sig 1963, eignuðust þrjú börn. Þau bjuggu á Vallargötu 8, Búastaðabraut 10 frá 1966-1972, byggðu í Mosfellsbæ eftir Gosið 1973, bjuggu í Danmörku 1984-1987, þá aftur í Mosfellsbæ, samtals í 20 ár. Þau bjuggu í Kópavogi um skeið, en síðan á Vallargötu 8 í Eyjum.

I. Maður Sigríðar Mínervu, (29. júní 1963), er Kristinn Skæringur Baldvinsson frá Steinholti, húsamíðameistari, f. 29. júní 1942.
Börn þeirra:
1. Sigurjón Kristinsson læknir, f. 16. mars 1964 í Eyjum. Fyrrum konur hans Hafdís Óskarsdóttir, Margrét Eyjólfsdóttir og Anna Lára Jóhannesdóttir.
2. Þórir Kristinsson trésmiður í Reykjavík, f. 1. desember 1965 í Eyjum. Kona hans Auður Hermannsdóttir.
3. Baldvin Kristinsson trésmiður í Reykjavík, f. 16. mars 1976. Kona hans Áslaug Þórdís Gissurardóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.