Sigríður Þóroddsdóttir (Ekru)
Sigríður Þóroddsdóttir húsfreyja, talsímakona, skrifstofumaður fæddist 8. september 1943 á Ekru við Urðaveg 20 og lést 6. desember 2023.
Foreldrar hennar voru Þóroddur Ólafsson frá Dalseli u. V-Eyjafjöllum, vélstjóri, f. 1. júní 1900, d. 16. maí 1989, og kona hans Bjargey Steingrímsdóttir frá Akureyri, húsfreyja, saumakona, f. 13. ágúst 1909, d. 29. október 1986.
Börn Bjargeyjar og Þórodds:
1. Erla Bryndís Þóroddsdóttir húsfreyja, f. 17. maí 1932 í Víðidal, d. 5. september 2023. Maður hennar Stefán Gunnar Stefánsson.
2. Andvana stúlka, f. 24. júní 1942 á Stóra- Gjábakka.
3. Sigríður Þóroddsdóttir húsfreyja, f. 8. september 1943 á Ekru. Maður hennar Ragnar Guðmundsson.
Sigríður var með foreldrum sínum í æsku.
Hún varð 4. bekkjar gagnfræðingur í Gagnfræðaskólanum í Eyjum 1960.
Sigríður var talsímakona á Símstöðinni, síðar skrifstofumaður hjá Vinnslustöðinni.
Þau Ragnar giftu sig 1963, eignuðust tvö börn.
Þau bjuggu í fyrstu á Huldulandi við Heiðarveg 41, þá í Hásteinsblokkinni, en síðar við Hrauntún.
Sigríður lést 2023.
I. Maður Sigríðar, (13. maí 1963), er Ragnar Guðmundsson rakari, f. 8. desember 1940 í Reykjavík. Foreldrar hans voru Guðmundur Ragnarsson, f. 19. maí 1920, d. 21. febrúar 1981, og Hólmfríður Magdalena Carlsson, f. 23. júní 1923, d. 4. apríl 2021.
Börn þeirra:
1. Helga Ragnarsdóttir innflytjandi, hárgreiðsludama, f. 9. apríl 1963. Maður hennar Hjálmar Kristmannsson.
2. Viktor Ragnarsson hársnyrtimeistari, rekur Hárstofu Viktors, f. 26. ágúst 1972. Kona hans Valgerður Jóna Jónsdóttir Halldórssonar.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
- Ragnar og Sigríður.
Þessi grein tilheyrir Æviskrám Eyjafólks eftir Víglund Þór Þorsteinsson.