Ritverk Árna Árnasonar/James White Halldórsson
Kynning.
James White Halldórsson, Björgvin, (Væti í Björgvin), fæddist 13. júlí 1906 í Reykjavík og drukknaði 22. apríl 1934.
Foreldrar hans voru Halldór Magnús Diðrik Runólfsson þurrabúðarmaður og sjómaður frá Helgabæ í Reykjavík, f. 26. apríl 1866 í Reykjavík, drukknaði 9. apríl 1913, og kona hans Anna Guðrún Sveinsdóttir húsfreyja í Björgvin, f. 14. apríl 1868 í Norðurkoti í Grímsnesi, d. 9. febrúar 1943.
Hann flutti með foreldrum sínum frá Reykjavík til Eyja 1908.
James White stjórnaði hafnarbátnum Brimli. Brimill fórst í ásiglingu við Veigu VE-291 undan Klettsnefi 22. apríl 1934. Þar drukknaði James.
James White var ókvæntur og barnlaus.
Hans er getið í bjargveiðimannatali Árna Árnasonar, en án sérstakrar umsagnar.
Systkini James White í Eyjum voru
1. Gunnlaugur Marel Halldórsson, f. 16. febrúar 1903 í Hull, d. 27. október 1909.
2. Halldór Magnús Engiberg Halldórsson, f. 6. apríl 1905 í Hull, drukknaði 1. mars 1942, er Þuríður formaður VE-233 fórst við Landeyjasand.
3. Margrét Ingibjörg Halldórsdóttir húsfreyja í Björgvin, f. 25. mars 1909 á Litlu-Löndum, d. 18. ágúst 2012.
Úr fórum Árna Árnasonar, efnisyfirlit
Heimildir
- Samantekt: Víglundur Þór Þorsteinsson.
- Brotasaga. Björn Th. Björnsson. Mál og menning - Reykjavík 1998.
- Íslendingabók.is.
- Íslensk skip. Jón Björnsson. Iðunn 1990.
- Manntöl.
- Minningarrit. Páll Oddgeirsson. Vestmannaeyjum 1952.
Þessi grein tilheyrir Æviskrám Eyjafólks eftir Víglund Þór Þorsteinsson.