Páll Hörður Pálsson

Úr Heimaslóð, Sögusetri Vestmannaeyja
Útgáfa frá 24. ágúst 2019 kl. 21:21 eftir Viglundur (spjall | framlög) Útgáfa frá 24. ágúst 2019 kl. 21:21 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Páll Hörður Pálsson á Snæfelli á Stokkseyri, sjómaður, skipstjóri fæddist 17. janúar 1932 á Ingólfshvoli og lést 7. maí 1990.
Foreldrar hans voru Páll Þórðarson sjómaður, verkamaður frá Klöpp á Stokkseyri, f. 3. október 1903, d. 19. maí 1992 og barnsmóðir hans Guðný Regína Stefánsdóttir, síðar húsfreyja á Stokkseyri, f. 5. desember 1905, d. 24. júlí 1986.

Systkini Páls Harðar í Eyjum voru:
1. Guðjón Högni Pálsson farmaður, hermaður, verslunarmaður, f. 13. desember 1925, d. 15. nóvember 2001, var albróðir hans.
Hálfsystir þeirra í Eyjum, sammædd, var
2. Laufey Steindórsdóttir húsfreyja, verslunarmaður, f. 24. nóvember 1937, d. 13. desember 2001.

Páll Hörður fór nýfæddur í fóstur til Guðbjargar móðurmóður sinnar í Neskaupstað og sonar hennar Bergsveins Stefánssonar Long. Þar ólst hann upp til 16-17 ára aldurs.
Hann fluttist til Stokkseyrar og gerðist sjómaður og síðan skipstjóri frá Stokkseyri og Þorlákshöfn.
Þau Margrét giftu sig 1955 og eignuðust fimm börn.
Hörður lést 1990.
Margrét býr í þjónustubúðum aldraðra á Selfossi.

Kona Harðar, (26. maí 1955), var Margrét Sturlaugsdóttir húsfreyja, f. 7. maí 1936 á Stokkseyri. Foreldrar hennar voru Sturlaugur Guðnason sjómaður á Baldursheimi á Stokkseyri, síðar verkamaður í Reykjavík, f. 18. ágúst 1904, d. 23. júní 1985, og kona hans Aðalheiður Eyjólfsdóttir frá Þóroddsstöðum í Grímsnesi, húsfreyja, f. 27. júlí 1909, d. 13. janúar 2004.
Börn þeirra:
1. Páll Sigurður Pálsson, f. 14. október 1954 í Reykjavík.
2. Aðalheiður Guðný Pálsdóttir, f. 1. febrúar 1957 í Reykjavík.
3. Guðbjörg Brynja Pálsdóttir, f. 10. apríl 1959 í Reykjavík.
4. Sturla Geir Pálsson, f. 11. janúar 1971.
5. Vigdís Unnur Pálsdóttir, f. 3. nóvember 1975.


Heimildir

  • Samantekt: Víglundur Þór Þorsteinsson.
  • Bergsætt II. útgáfa. Guðni Jónsson 1966.
  • Morgunblaðið 24. janúar 2004.
  • Íslendingabók.is.
  • Manntöl.
  • Margrét Sturlaugsdóttir.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.