Nikólína Jónsdóttir

Úr Heimaslóð, Sögusetri Vestmannaeyja
Útgáfa frá 8. mars 2019 kl. 22:08 eftir Viglundur (spjall | framlög) Útgáfa frá 8. mars 2019 kl. 22:08 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Árný Friðriksdóttir frá Gröf, vinnukona í Arnarholti, Helga Sigurðardóttir Sigurðssonar Arnarholti og Nikólína Jónsdóttir afgreiðslukona í Apótekinu.

Nikólína Jónsdóttir húsfreyja og leiklistarkona, fæddist 15. júlí 1900 í Holti í Mjóafirði eystra og lést 15. ágúst 1958.
Faðir hennar var Jón húsmaður og sjómaður í Holti, f. 8. mars 1868 að Görðum á Dalakálki í Mjóafirði, d. að Melum þar 31. desember 1902, Árnason bónda á Grund í Mjóafirði 1860, síðan í Görðum á sömu jörð (reisti þann bæ), f. 13. mars 1829, d. 15. mars 1888, Jónssonar bónda á Grund, f. 5. apríl 1788, d. 12. júlí 1866, Torfasonar, og fyrri konu Jóns Torfasonar, Rósu húsfreyju, f. 1795, d. 20. janúar 1833, Guðmundsdóttur.
Móðir Jóns Árnasonar í Holti og kona Árna á Grund (20. október 1856) var Guðleif húsfreyja á Grund og Görðum í Mjóafirði, ekkja, bústýra á Asknesi og Kolableikseyri í Mjóafirði hjá Árna syni sínum, niðursetningur á Kross-Stekk þar 1910, f. 4. október 1834, d. 8. desember 1915, Eiríksdóttir bónda á Sörlastöðum í Seyðisfirði 1835, f. í Brekkugerði á Héraði, d. 1861, Magnússonar og konu Eiríks, Guðrúnar „eldri“ Guðmundsdóttur húsfreyju frá Kasthvammi í Laxárdal í S-Þing., f. 1792, d. 1873.

Móðir Nikólínu og kona Jóns Árnasonar var Sigríður vinnukona í Húsavík í N-Múl. 1890, húskona í Holti í Mjóafirði 1897-1898 og með Jóni 1901-1902, flutti ekkja til Eyja 1911, leigjandi í Múla 1920, dvaldi síðast hjá Nikólínu, f. 18. desember 1867 að Rofabæ í Meðallandi, V-Skaft., d. 23. ágúst 1948, Ólafsdóttir „yngri“ bónda í Rofabæ, ókvænts vinnumanns í Rofabæ 1860, f. 6. júlí 1841, d. 9. júní 1891, Ólafssonar bónda í Seglbúðum í Landbroti 1845, f. 3. júlí 1802, d. 20. febrúar 1864, Ólafssonar og seinni konu Ólafs í Seglbúðum, Önnu húsfreyju í Seglbúðum 1845, f. 2. apríl 1809, d. 8. nóvember 1904, Eyjólfsdóttur húsfreyju, Þórarinssonar.
Móðir Sigríðar Ólafsdóttur og fyrri kona Ólafs í Rofabæ var Vilborg húsfreyja, f. 1837, d. 18. júní 1869, Jónsdóttir „Landeyings“ bónda, læknis, vinnumanns og smiðs, fræðimanns og mikils sögumanns, í Vatnshól í A-Landeyjum, í Norðurgarði í Eyjum, og Gerði, Mýrdal, Meðallandi og Hofi í Öræfum, f. 18. september 1790 í Voðmúlastaðahjáleigu í Landeyjum, d. 14. mars 1877 á Hnappavöllum, Höskuldssonar bónda á Búðarhól í A-Landeyjum, f. 8. júní 1767 í Oddakoti þar, d. 21. nóvember 1856 á Búðarhól, og fyrri konu Höskuldar á Búðarhól (2. ágúst 1790), Snjálaugar húsfreyju, f. 1763, d. 31. mars 1809, Gísladóttur.
Móðir Vilborgar og barnsmóðir Jóns „Landeyings“ var Vilborg ógift bústýra Sveins Einarssonar bónda í Efri-Ey í Meðallandi 1855, í Rofabæ 1860 og 1870, f. 17. ágúst 1801, d. 28. maí 1876, Einarsdóttir bónda í Rofabæ, f. 1776, d. 5. júlí 1852, Eiríkssonar, og konu Einars í Rofabæ, Kristínar húsfreyju, f. 1767, d. 30. júlí 1843, Ólafsdóttur.

Nikólína fluttist til Eyja 1911. Hún var afgreiðslustúlka hjá Sigurði apótekara í Arnarholti 1920, tók mikinn þátt í leiklist og starfi Leikfélagsins í Eyjum.

Hún giftist 11. apríl 1925, Vilhjálmi Jónssyni frá Dölum, síðar rafstöðvarstjóra, f. 23. janúar 1893, d. 15. júlí 1971.
Þau bjuggu á Nýlendu 1924 og enn 1927, síðan að Hásteinsvegi 4, (Ásbrún).
Börn þeirra:
1. Sigríður Vilhjálmsdóttir húsfreyja, f. 7. apríl 1927, d. 30. desember 2016.
2. Ólafur Kristján Vilhjálmsson rafvirki, f. 18. mars 1928, d. 4. mars 2009.
3. Guðrún Þorgerður Vilhjálmsdóttir snyrtifræðingur, f. 21. janúar 1933, d. 19. september 2017.

Frekari lesning: Blik 1962, Blik 1965, Blik 1967. Leiklistarsaga Vestmannaeyja eftir Árna Árnason.


Heimildir

  • Samantekt: Víglundur Þór Þorsteinsson.
  • Árni Árnason símritari.
  • Vestur-Skaftfellingar 1703-1966. Björn Magnússon. Leiftur 1970-1973.
  • Landeyingabók – Austur Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Mjófirðingasögur. Vilhjálmur Hjálmarsson. Bókaútgáfa Menningarsjóðs 1987-1990.
  • Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.
  • Manntöl.
  • Íslendingabók.is.


Þessi grein tilheyrir Æviskrám Eyjafólks eftir Víglund Þór Þorsteinsson.