Minningarvefur um Pál Steingrímsson/Náttúruunnandi og ævintýramaður

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.


Náttúruunnandi og ævintýramaður


Ævintýraþráin togaði ávallt í Pál. Hann hafði sem ungur drengur mikla unun af náttúrunni og lífríkinu í Eyjum. Það má segja að þessi svokallaða þrá hafi aukist eftir því sem árunum leið. Páll barðist ávallt fyrir náttúruvernd (Ólafur J. Engilbertsson, 2009) og var hann meðal annars einn af hvatamönnum að mótmælum á malartöku í Helgafelli (Páll Magnússon o.fl., 2016).

Ágúst Halldórsson, Páll Steingrímsson, kvikmyndagerðarmaður og hundurinn Kyrja. Myndin er tekin úti í Álsey 28. júlí 1980.
Ágúst Halldórsson, Páll Steingrímsson, kvikmyndagerðarmaður og hundurinn Kyrja. Myndin er tekin úti í Álsey 28. júlí 1980.

Eftir að Páll hafði fengið veiðirétt í einni af úteyjum Eyjanna, Hellisey, eyddi hann ótal mörgum stundum þar, meðal annars í fuglaveiði, eggjatínslu, fjárflutninga og fleira. Páll ferðaðist víða um skerin í Hellisey en einnig var hann tíður gestur í Elliðaey, Bjarnarey, Álsey og Suðurey. Þar átti hann margar góðar stundir með vinum og vandamönnum og eru sögurnar margar af Páli og félögum á þessum slóðum (Ólafur J. Engilbertsson, 2009). Annars konar veiði sem Páll stundaði af miklum eldmóð var gæsaveiði, en henni fylgdi, líkt og með lundaveiðinni, tilheyrandi útilegur í skemmtilegum félagsskap (Páll Magnússon o.fl., 2016).


Tekin 1970, í Hellisey í Vestmannaeyjum. Páll Steingrímsson, sigmaður hreinsar svartfuglseggin af syllunum.
Tekin 1970, í Hellisey í Vestmannaeyjum. Páll Steingrímsson, sigmaður hreinsar svartfuglseggin af syllunum.