Margrét Skaftadóttir Scheving
Margrét Skaftadóttir Scheving húsfreyja fæddist 28. júlí 1912 á Suður-Fossi í Mýrdal og lést 2. nóvember 2009 í Reykjavík.
Faðir hennar var Skafti bóndi á Suður-Fossi, f. 2. janúar 1874 á Norður-Götum þar, d. 17. júní 1924 á Suður-Fossi, Gíslason bónda, síðast á Norður-Götum, f. í Mýrdal, skírður 25. júlí 1827, Einarssonar bónda lengst í Þórisholti í Mýrdal, f. 7. desember 1796 í Berjaneskoti u. Eyjafjöllum, d. 29. júní 1879 í Þórisholti, Jóhannssonar, og konu Einars, Ragnhildar Jónsdóttur húsfreyju, yfirsetukonu, f. 1791 á Höfðabrekku, d. 2. júlí 1879 í Þórisholti.
Kona Gísla Einarssonar á Norður-Götum og móðir Skafta á Suður-Fossi var Sigríður húsfreyja, f. 22. apríl 1830 á Ásólfsskála u. Eyjafjöllum, d. 28. október 1893 á Norður-Götum, Tómasdóttir smiðs á Ásólfsskála, síðar bónda og smiðs í Varmahlíð u. Eyjafjöllum, f. 8. júlí 1790, d. 29. júní 1854, Þórðarsonar, og konu Tómasar, Margrétar húsfreyju, f. 1796, Jónsdóttur.
Sigríður var móðir Gunnvarar Guðmundsdóttur fósturmóður Íseyjar Skaftadóttur.
Fyrri kona Skafta Gíslasonar og móðir Margrétar var Margrét húsfreyja, f. 27. apríl 1877 í Aurgötu u. Eyjafjöllum, d. 3. ágúst 1912 á Suður-Fossi, Jónsdóttir vinnumanns, lausamanns og síðar járnsmiðs á Bergi, f. 9. desember 1850 í Vallnatúni u. Eyjafjöllum, d. 29. maí 1917, Guðmundssonar bónda í Vallnatúni, f. 12. ágúst 1816, d. 29. maí 1917, Gíslasonar, og konu Guðmundar Gíslasonar, Margrétar húsfreyju og yfirsetukonu, f. 14. maí 1822, d. 29. desember 1908, Jónsdóttur.
Móðir Margrétar Jónsdóttur og barnsmóðir Jóns Guðmundssonar á Bergi var Sigurlaug vinnukona víða u. Eyjafjöllum og í V-Skaftafellssýslu, f. 14. janúar 1857, d. 2. september 1899, Þorleifsdóttir bónda, síðast í Jórvík (Jórvíkurhryggjum) í Álftaveri, f. 18. október 1817 í Mörtungu á Síðu, d. 18. júní 1902 á Brekkum í Mýrdal, Eyjólfssonar bónda, síðast í Mörtungu, f. 1774, d. 7. janúar 1819 í Mörtungu, Þórarinssonar bónda í Mörtungu, f. 1742, d. 8. júlí 1823 í Skál á Síðu, Ísleikssonar, og konu Þórarins, Þóru húsfreyju, f. 1736, d. 7. maí 1819, Eyjólfsdóttur.
Móðir Þorleifs í Jórvík og kona Eyjólfs í Mörtungu var Anna húsfreyja, f. 1776, d. 12. febrúar 1829 í Mörtungu, Oddsdóttir bónda, meðhjálpara og hreppstjóra lengst á Seglbúðum í Landbroti, f. 1741, d. 14. október 1797 í Eystra-Hrauni þar, Bjarnasonar, og konu Odds, Guðlaugar húsfreyju, f. 1750, d. 24. maí 1803 á Eystra-Hrauni, Björnsdóttur.
Móðir Sigurlaugar í Hraunkoti og kona Þorleifs í Jórvíkurhrygg var Kristín yngri, húsfreyja, f. 29. október 1826 á Flögu í Skaftártungu, d. 16. júní 1890 á Ketilsstöðum í Mýrdal, Vigfúsdóttir bónda á Svartanúpi og Flögu í Skaftártungu, f. 1797 á Borgarfelli, drukknaði í Hólmsá 3. nóvember 1863, Bótólfssonar bónda á Borgarfelli í Skaftártungu, f. 1752, d. 1803 á Borgarfelli, Jónssonar, og konu Bótólfs, Kristínar húsfreyju, f. 1765 á Ljótarstöðum í Skaftártungu, d. 7. mars 1817 í Gröf þar, Ísleifsdóttur.
Móðir Kristínar í Jórvíkurhrygg og fyrri kona Vigfúsar á Svartanúpi var Guðrún húsfreyja, f. 1792 í Hrífunesi í Skaftártungu, d. 10. febrúar 1849 á Flögu þar, Árnadóttir bónda í Hrífunesi í Skaftártungu, f. 1741 á Herjólfsstöðum í Álftaveri, d. 16. júní 1811 í Hrífunesi, Árnasonar, og konu Árna í Hrífunesi, Kristínar húsfreyju, f. 1758, d. 17. júní 1811, Sigurðardóttur.
Móðurfaðir Margrétar var
1. Jón Guðmundsson verkamaður, járnsmiður á Bergi, f. 9. desember 1850 í Vallnatúni u. Eyjafjöllum, d. 29. maí 1917.
Börn Margrétar Jónsdóttur í Eyjum:
1. Sigríður Skaftadóttir húsfreyja, kona Guðlaugs Br. Jónssonar kaupmanns.
2. Ragnhildur Skaftadóttir, f. 8. febrúar 1904, d. 12. október 1939.
3. Kristín Skaftadóttir húsfreyja, f. 29. apríl 1906, d. 10. apríl 1992, kona Runólfs Jóhannssonar formanns og skipasmíðameistara, skipaeftirlitsmanns í Ólafsvík við Hilmisgötu, f. 4. október 1898, d. 4. ágúst 1969.
4. Ísey Skaftadóttir húsfreyja, f. 13. mars 1911, d. 6. júní 1987, kona Sigurmundar Runólfssonar verkstjóra, f. 4. ágúst 1904, d. 16. febrúar 1974.
5. Margrét Skaftadóttir Scheving húsfreyja, f. 29. júlí 1912, d. 2. nóvember 2009, kona Sigurðar Scheving skrifstofumanns, skrifstofustjóra, bókavarðar, leikara, f. 9. apríl 1910, d. 10. nóvember 1977.
Margrét Jónsdóttir móðir Margrétar lést sex dögum eftir fæðing hennar.
Margrét var fósturbarn í Þórisholti í Mýrdal og fóstruð aðallega af Ingveldi Guðríði dóttur á bænum. Margrét fylgdi henni til Reykjavíkur og bjuggu þær úti á Seltjarnanesi, en Margrét var í Mýrdalnum á sumrin. Hún var í Verslunarskólanum, en tók ekki síðasta veturinn þar. Hún er skráð vinnukona í Þórisholti í Vestur-Skaftfellingum.
Margrét flutti til Eyja.
Þau Sigurður giftu sig 1937, hún þá til heimilis á Hjalla, eignuðust fimm börn. Þau bjuggu á Landagötu 21 1940 og síðan uns þau fluttu til Reykjavíkur 1946. Þau fluttu til Ólafsvíkur 1958, en að Hellu 1962. Þar bjuggu þau til 1976, er þau fluttu til Reykjavíkur.
Þau bjuggu í íbúð sinni á Hringbraut 45. Þar lést Sigurður 1977.
Margrét bjó ein til ársins 2007. Hún dvaldi síðast á Dvalar- og hjúkrunarheimilinu Grund í Reykjavík og lést 2009.
I. Maður Margrétar, (23. desember 1937), var Sigurður Scheving skrifstofumaður, skrifstofustjóri, bókavörður, leikari, f. 9. apríl 1910 á Steinsstöðum, d. 10. nóvember 1977.
Börn þeirra:
1. Edda Scheving balletdansari, skólastjóri eigin balletskóla, f. 19. febrúar 1936 í Ólafsvík við Hilmisgötu 7, d. 14. júlí 2002. Maður hennar, skildu, Heimir Guðjónsson.
2. Birgir Kristinn Scheving kjötiðnaðarmaður, forstöðumaður í Keflavík, f. 21. maí 1937 á Hjalla, d. 26. júní 2003. Kona hans Ágústa Erlendsdóttir.
3. Baldur Sveinn Scheving rafvirkjameistari í Reykjavík, f. 31. október 1938 á Þingvöllum við Njararstíg 1. Kona hans Konny Hansen.
4. Gylfi Guðmundur Scheving verkstjóri, f. 6. janúar 1940 á Landagötu 21. Býr í Reykjavík. Kona hans Jóhanna Hjelm.
5. Knútur Örn Scheving fulltrúi, býr á Hellu, f. 14. júní 1945 á Landagötu 21. Kona hans Anna Helga Kristinsdóttir.
Heimildir
- Samantekt: Víglundur Þór Þorsteinsson.
- Íslendingabók.is.
- Morgunblaðið 9. nóvember 2009. Minning.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.