Lára Sturludóttir (Hvassafelli)
Lára Kristín Sturludóttir frá Hvassafelli, húsfreyja fæddist 24. september 1905 á Vestari-Búastöðum og lést 23. maí 1972.
Foreldrar hennar voru Sturla Indriðason verkamaður, sjómaður, f. 19. september 1878 á Vattarnesi við Reyðarfjörð, d. 1. janúar 1945, og kona hans Jórunn Fríður Lárusdóttir frá Búastöðum, húsfreyja, f. 17. apríl 1880, d. 6. október 1959.
Börn Fríðar og Sturlu voru:
1. Lára Kristín Sturludóttir húsfreyja, f. 24. september 1905, d. 23. maí 1972, kona Þorgeirs Frímannssonar kaupmanns.
2. Indíana Björg Sturludóttir, f. í desember 1908, d. 6. febrúar 1909.
3. Indíana Björg Sturludóttir húsfreyja, f. 12. nóvember 1909, d. 15. október 1998, kona Más Frímannssonar bifreiðaeftirlitsmanns í Valhöll,
4. Snorri Sturluson, f. 12. maí 1911, d. 15. september 1911.
5. Jón Alfreð Sturluson, málarameistari í Reykjavík, f. 23. nóvember 1912, d. 31. október 1983, kvæntur Steinunni Jónsdóttur af Akranesi.
6. Jóhann Pétur Júlíus Sturluson, vélameistari í Reykjavík, f. 23. september 1919, síðast á Spáni, d. 15. maí 1997, kvæntur Guðríði Friðriksdóttur frá Þórshöfn.
Lára var með foreldrum sínum í æsku, með þeim á Búastöðum 1910 og 1920, á Hvassafelli.
Þau Þorgeir giftu sig 1925, eignuðust 4 börn. Þau bjuggu í fyrstu á Hvassafelli við Helgafellsbraut 33, þá í Kaupangi við Vestmannabraut 31, í Vestara-Stakkagerði við Skólaveg 19b og að síðustu á Helgafellsbraut 18.
Þorgeir lést 1963 og Lára Kristín 1972.
I. Maður Láru Kristínar, (24. október 1925), var Þorgeir Frímannsson frá Kvíslarhóli á Tjörnesi, verslunarmaður, síðar kaupmaður, f. 31. maí 1901, d. 26. apríl 1963.
Börn þeirra:
1. Guðrún K. Þorgeirsdóttir húsfreyja, f. 1. ágúst 1927 í Kaupangi, d. 4. júní 2010.
2. Richard Björgvin Þorgeirsson, f. 4. desember 1928 í Kaupangi, d. 19. janúar 2009.
3. Perla Kristín Þorgeirsdóttir, f. 20. janúar 1933 í Kaupangi, d. 4. maí 2012.
4. Sturla Friðrik Þorgeirsson, f. 25. nóvember 1933 í Kaupangi, d. 23. mars 2016.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.