Lilja Þorsteinsdóttir (Valhöll)
Lilja Þorsteinsdóttir frá Valhöll við Strandveg 43a, húsfreyja, verslunarmaður fæddist 7. júlí 1940.
Foreldrar hennar voru Þorsteinn Kristján Þórðarson skipstjóri stýrimannaskólakennari, f. 18. mars 1917, d. 30. maí 1960, og kona hans Guðfinna Sigurlilja Eyvindsdóttir húsfreyja, f. 3. desember 1921 á Strandbergi, d. 21. maí 2013.
Börn Guðfinnu og Þorsteins:
1. Lilja Þorsteinsdóttir húsfreyja í Eyjum, f. 7. júlí 1940 í Valhöll. Maður hennar Gylfi Sigurjónsson.
2. Aðalheiður Laufey Þorsteinsdóttir húsfreyja í Reykjavík, bankastarfsmaður, f. 6. desember 1941 í Valhöll. Maður hennar Gunnar Björnsson.
3. Elísa Þorsteinsdóttir húsfreyja í Reykjavík, flugfreyja, f. 28. ágúst 1946 í Valhöll, d. 1. janúar 2020. Fyrsti maður hennar var Jóhann Vilbergsson, látinn. Fyrrum menn hennar Jón Hjartarson og Grétar Þorsteinsson.
4. Eygló Þorsteinsdóttir viðskiptafræðingur í Keflavík, f. 30. mars 1951 í Reykjavík, d. 25. desember 2006. Maður hennar Geir Newman.
Lilja var með foreldrum sínum, flutti með þeim til Reykjavíkur, var með þeim um skeið í Kaupmannahöfn, síðan í Reykjavík, flutti til Eyja 1962.
Hún var verslunarmaður, vann m.a. hjá Remedíu í Reykjavík.
Hún eignaðist barn með Davíð 1958.
Þau Gylfi giftu sig 1964, eignuðust tvö börn og Gylfi fóstraði barn Lilju. Þau buggu í fyrstu við Austurveg 20, þá við Fífilgötu 3, á Hofi við Landagötu 25, á Boðaslóð 6, á Hnjúki við Brekastíg 20 við Gos 1973, búa nú við Illugagötu 13a.
I. Barnsfaðir hennar var Davíð Sigurðsson, f. 12. september 1937, d. 22. desember 2011.
Barn þeirra:
1. Emilía Davíðsdóttir bankaritari, húsfreyja, f. 5. apríl 1958. Maður hennar Albert Klahn Skaftason.
II. Maður Lilju, (16. október 1964), er Gylfi Sigurjónsson skrifstofustjóri, f. 8. desember 1939.
Börn þeirra:
2. Sif Gylfadóttir bankastarfsmaður, verkakona, f. 28. september 1963. Fyrrum maður hennar Oddur Guðmundsson.
3. Hlíf Gylfadóttir mannfræðingur, kennari, f. 10. febrúar 1966.
Barn Lilju og fósturbarn Gylfa:
1. Emilía Davíðsdóttir, f. 5. apríl 1958.
Heimildir
- Samantekt: Víglundur Þór Þorsteinsson.
- Íslendingabók.
- Lilja.
- Loftskeytamenn og fjarskiptin, 1. Ritstjóri Ólafur K. Björnsson. Félag íslenskra loftskeytamanna; 1987.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.