Kristín Stefánsdóttir (Háagarði)
Kristín Stefánsdóttir húsfreyja í Háagarði, f. 1779, d. 14. júlí 1869.
Faðir hennar var Stefán bóndi á Bjalla á Landi, f. 1742, d. 8. febrúar 1837, Filippusson prests í Kálfholti í Holtum, f. 1693, d. 1779, Gunnarssonar bónda og lögréttumanns í Bolholti á Rangárvöllum, f. 1665, Filippussonar, og konu hans, Ingibjargar húsfreyju, f. 1668, Ingimundardóttur.
Móðir Stefáns á Bjalla og síðari kona séra Filippusar var Vilborg húsfreyja, f. 1715, d. 1774, Þórðardóttir bónda og lögréttumanns í Háfi í Holtum, f. 1684, d. 1747, Þórðarsonar, og konu Þórðar í Háfi, Kristínar húsfreyju, f. 1695, á lífi 1763, Tómasdóttur.
Móðir Kristínar og kona Stefáns á Bjalla var Helga húsfreyja, f. 1747, d. 10. júlí 1812, Gísladóttir bónda í Hjallanesi á Landi, f. 1693, Tómassonar bónda í Flagbjarnarholti þar, á lífi 1693, Gissurarsonar, og konu Tómasar, Ástríðar húsfreyju, f. 1657, á lífi 1703, Gunnlaugsdóttur.
Móðir Helgu á Bjalla og kona Gísla í Hjallanesi var síðari kona Gísla, Ingiríður húsfreyja, f. 1709, d. 14. maí 1785, Guðmundsdóttir bónda í Hjallanesi, f. 1668, á lífi 1709, Jónssonar, og síðari konu Guðmundar í Hjallanesi, Þorgerðar húsfreyju, f. 1671, á lífi 1733, Hallbjörnsdóttur.
Kristín var systir Helgu Stefánsdóttur húsfreyju á Steinsstöðum og í Stóra-Gerði
Kristín varð, (9. júlí 1816), síðari kona Jóns Jónssonar bónda í Háagarði. Þau bjuggu þar 1816-1835. Fyrri kona hans var Valgerður Guðbrandsdóttir.
Þau Jón voru barnlaus.
Heimildir
- Samantekt: Víglundur Þór Þorsteinsson.
- Íslenzkar æviskrár. Páll Eggert Ólason og fleiri. Hið íslezka bókmenntafélag 1948-1976.
- Landmannabók – Landsveit. Valgeir Sigurðsson og fleiri. Ritstjóri: Ragnar Böðvarsson. Rangárþing ytra, Hellu 2003.
- Manntöl.
- Prestþjónustubækur.
- Rangvellingabók. Valgeir Sigurðsson. Rangárvallahreppur, Hellu 1982.
Þessi grein tilheyrir Æviskrám Eyjafólks eftir Víglund Þór Þorsteinsson.