Jón Berg Halldórsson

Úr Heimaslóð, Sögusetri Vestmannaeyja
Útgáfa frá 14. ágúst 2015 kl. 20:22 eftir Viglundur (spjall | framlög) Útgáfa frá 14. ágúst 2015 kl. 20:22 eftir Viglundur (spjall | framlög)
Fara í flakk Fara í leit
Jón Berg og Sveinn Tómasson.

Jón Berg Halldórsson skipstjóri, síðar verkstjóri á Keflavíkurflugvelli fæddist 1. júlí 1935 í Eyjum.
Kjörforeldrar hans voru Halldór Halldórsson, f. 23. júlí 1902, d. 8. október 1975 og k.h. Sigríður Friðriksdóttir, f. 3. júlí 1908.
Foreldrar voru Jón Magnús Tómasson , f. 1896, d. 1977 og k.h. Kristín Björg Jónsdóttir, f. 1898, d. 1935.

Maki (1959): Helga Sigurgeirsdóttir húsmóðir og sjúkrahússtarfsmaður, f. 11. nóvember 1936.

Börn þeirra Helgu (sjá Helgu)

Æviferill

Jón Berg lauk gagnfræðaprófi 1951, farmannaprófi 1958. Hann hóf sjómennsku sem matsveinn á Metu með Emil M. Andersen 1952. Varð hann síðar stýrimaður og skipstjóri, lengst var hann skipstjóri á Ísleifi IV., sem var í eigu dánarbús Ársæls Sveinssonar. Þegar búið var leyst upp 1975, hætti Jón Berg til sjós.

Fjölskyldan fluttist til höfuðborgarsvæðisins og settist að í Hafnarfirði. Varð Jón Berg verkstjóri yfir viðhaldi flugskýla, flugbrautarljósa og tengdum verkefnum hjá Varnarliðinu á Keflavíkurflugvelli. Því starfi gegndi hann í 30 ár. Lét af störfum 2005.



Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.