Júlíus Sigurðsson (Skjaldbreið)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.
Stjórnandinn, Júlíus, á Sjómannadaginn.
Júlíus með systkinum sínum.

Júlíus Sigurðsson, Skjaldbreið, fæddist í Vestmannaeyjum 2. júlí 1912 og lést 1. október 1974. Foreldrar hans voru Sigurður Ingimundarson og Hólmfríður Jónsdóttir. Júlíus var kvæntur Jakobínu Jónsdóttur frá Ólafsfirði og eignuðust þau 8 börn.

Ungur hóf Júlíus sjómennsku með föður sínum sem var kunnur formaður í Eyjum. Formennsku hóf Júlíus á Blika árið 1930. Eftir það var Júlíus meðal annars með Þorgeir Goða, Gullþóri og . Eftir að Júlíus hætti sjómennsku vann hann sem vigtarmaður hjá Vinnslustöð Vestmannaeyja. Júlíus starfaði mikið með skipstjóra- og stýrimannafélaginu Verðandi og var formaður þar í fjögur ár.

Óskar Kárason samdi formannavísu um Júlíus:

Skýr á sækir skeiðar láð
Skjaldbreið frá hann Júlli,
þó að storma bylgjan bráð
breiðum Þorgeir rúlli.

Myndir



Heimildir

  • Óskar Kárason. Formannavísur. Vestmannaeyjum, 1950.
  • Sjómannablaðið Víkingur. Farmanna- og Fiskimannasamband Íslands.