Jón Valgarð Guðjónsson

Úr Heimaslóð, Sögusetri Vestmannaeyja
Útgáfa frá 13. júlí 2006 kl. 15:19 eftir Margret (spjall | framlög) Útgáfa frá 13. júlí 2006 kl. 15:19 eftir Margret (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Jón Valgarð Guðjónsson fæddist í Vestmannaeyjum 8. október 1931. Hann lést 28. nóvember 2005. Foreldrar hans voru Marta Jónsdóttir og Guðjón Jónsson. Árið 1959 kvæntist Jón Valgarð Guðlaugu Sigríði Gunnarsdóttur. Börn þeirra eru Ásdís, Marta, Gunnar, Guðjón Valur, Sigurbjörg og Valgarð. Guðlaug og Jón Valgarð bjuggu öll sín búskaparár í Vestmannaeyjum fyrir utan nokkra mánuði árið 1973 er eldgos var í Heimaey.

Jón Valgarð lauk barnaskólaprófi í Vestmannaeyjum, fór síðar í Vélskólann og í Stýrimannaskólann í Reykjavík. Hann fór fyrst á sjó 14 ára gamall og varð sjómennska ævistarf hans í tæp 60 ár, lengst var hann stýrimaður og skipstjóri. Jón Valgarð starfaði lengi hjá útgerð Ísleifs VE og hjá Einari Sigurðssyni og átti með honum bátinn Gunnar Jónsson VE 500. Þá átti hann bátinn Gunnar Jónsson VE 555 með Sigurði Georgssyni. Síðustu árin reri Jón Valgarð á Baldri VE 24.

Jón Valgarð var mikill áhugamaður um íþróttir, aðallega fótbolta og handbolta. Síðustu ár stundaði hann púttsalinn með félagi eldri borgara.

Jón Valgarð var aflakóngur Vestmannaeyja árið 1970.


Heimildir

  • Morgunblaðið. 8. desember 2005. Minningargreinar um Jón Valgarð Guðjónsson.