Jón Sverrisson (Háagarði)
Jón Sverrisson fæddist 22. janúar 1871 í Nýjabæ í Meðallandi í V-Skaft. og lést í Reykjavík 5. mars 1968.
Foreldrar hans voru Sverrir Magnússon b. í Nýjabæ og k.h. Sigríður Jónsdóttir bónda í Eystra-Hrauni Arasonar.
Jón var kvæntur Sólveigu Jónínu Magnúsdóttur, f. 20. ágúst 1879, d. 21. apríl 1955, Bjarnasonar og einuðust þau 15 börn, sem lifðu. Þau voru: Einar, f. 1902; Sigurjón (Sigjón), f. 1906; Sigurður, f. 1898; Sverrir Magnús, f. 1900; Elías Theodór, f. 1901; Solveig Magnea, f. 1904; ; Lilja, f. 1907; Ingibjörg, f. 1908; Aðalheiður Svanhvít, f. 1910; Böðvar, f. 1911; Kjartan, f. 1914; Svanhildur, f. 1915; Rannveig, f. 1915; Karl, f. 1919, Matthildur, f. 1921.
Jón flutti til Vestmannaeyja ásamt fjölskyldu árið 1919 og settust þau að í Háagarði. Áður bjuggu þau í Álftaveri.
Jón lærði skósmíði 1886-89, en stundaði hana ekki. Hann var bóndi í Álftaveri í 24 ár, stundaði sjávarútveg í 7 ár. Hann var hluteigandi að Mínervu VE-241 ásamt Stefáni Árnasyni og Sigurði Jónssyni og sonum sínum. Mínerva fórst 24. janúar 1927 og fórust þar meðal annarra synir hans, Einar formaður og Sverrir Magnús.
Jón var hreppsnefndarmaður í Álftaveri 1901-1919, þar af oddviti í 15 ár. Hann var daglaunamaður í 3 ár, var yfirfiskimatsmaður í Eyjum frá 1922, bæjarfulltrúi í Eyjum 1927-30, sat í skattanefnd frá 1922. Hann var umboðsmaður Fiskifélagsins frá 1927, einn af stofnendum h.f. Skaftfellings í Vík, sláturfélagsdeildar Álftavers og deildarstjóri hennar í mörg ár, einn af stofnendum h.f. Drífanda í Eyjum og stofnfélagi í Dráttarbraut Vestmannaeyja árið 1925. Til fiskþurrkunar stofnaði hann og var upphafsmaður að sjóveitu til fiskþvotta og annarra hreinlætisaðgerða. Ýmis önnur trúnaðarstörf voru honum falin.
Myndir
Heimildir
- Hver er maðurinn? Rvk 1944.
- Páll Oddgeirsson: Minningarrit. Vestmannaeyjum í marz 1952.
- Blik 1959, bls. 26.
- Vestur-Skaftfellingar.