Jón Jónsson Austmann

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.

Sjá aðgreiningarsíðuna fyrir aðra sem hafa borið nafnið „Jón Jónsson


Jón Jónsson Austmann var prestur að Ofanleiti í Vestmannaeyjum frá árinu 1827 til ársins 1858. Hann var sonur séra Jóns Jónssonar prests að Kálfafelli og Guðnýjar Jónsdóttir. Hann fæddist á Lyngum í Skaftafellssýslu 13. maí 1782 og lést árið 1858.

Nám og störf

Jón útskrifaðist úr Reykjavíkurskóla árið 1809. Hann varð aðstoðarprestur að Sólheimum í Mýrdal og fékk síðan Skúmsstaða- og Stórólfshvolsþing. Jón hafði brauðaskipti við séra Sigurð Thorarensen prest að Mýrum í Álftaveri og fluttist þangað í fardögum 1817. Hann fékk veitingu fyrir Ofanleitisprestakall árið 1827 og hélt því til æviloka 1858. Hann var því prestur í Vestmannaeyjum í alls 31 ár. Kona séra Jóns var Þórdís Magnúsdóttir. Þau áttu saman ellefu börn og eru nokkrir afkomendur þeirra enn búsettir í Vestmannaeyjum. Á meðal barna þeirra voru Stefán Austmann og Guðfinna Jónsdóttir Austmann.


Heimildir

  • Guðlaugur Gíslason. Eyjar gegnum aldirnar. Reykjavík: Örn og Örlygur 1982.
  • Þorkell Jóhannesson. Örnefni í Vestmannaeyjum. Reykjavík: Hið íslenzka þjóðvinafélag, 1938.