Jón Þorkelsson (Svaðkoti)

From Heimaslóð
Revision as of 20:48, 3 January 2016 by Viglundur (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Jón Þorkelsson bóndi í Svaðkoti fæddist í nóvember 1795 í Danska Garði í Eyjum og fórst 5. mars 1834 af teinæringnum Þurfalingi við Nausthamar með Jónasi Vestmann formanni og 11 öðrum.
Faðir hans var Þorkell Jónsson frá Akurey í V-Landeyjum, tómthúsmaður, sjómaður á Löndum 1801, f. um 1747.
Móðir Jóns var Málfríður Jónsdóttir vinnukona á Kornhólskansi 1801, f. 1774.

Jón var 5 ára með föður sínum á Löndum 1801, vinnumaður á Vilborgarstöðum 1816, kvæntist Vigdísi 1820 Þau bjuggu i Svaðkoti, eignuðust 7 börn, og tvö þeirra náðu fullorðinsaldri.
Jón drukknaði 1834.

Kona Jóns, (18. júní 1820), var Vigdís Þorbjörnsdóttir húsfreyja, f. 1800, d. 23. febrúar 1860.
Börn þeirra hér:
1. Sveinn Jónsson, f. 16. júní 1821, d. 22. júní 1821 úr ginklofa.
2. Jón Jónsson, f. 4. september 1822, d. 13. september 1822 úr sinadráttarveiki, mun vera ginklofi.
3. Vilborg Jónsdóttir húsfreyja í Ólafshúsum , f. 27. október 1823, d. 29. október 1878, kona Jóns Jónssonar bónda.
4. Þorbjörn Jónsson, f. 11. desember 1824, d. 19. desember 1824 úr ginklofa.
5. Guðríður Jónsdóttir húsfreyja á Búastöðum, f. 6. ágúst 1829, d. 15. ágúst 1867, kona Sigurðar Torfasonar hreppstjóra á Búastöðum.
6. Geirdís Jónsdóttir, f. 1. ágúst 1832, d. 7. ágúst 1832 úr ginklofa.
7. Þuríður Jónsdóttir, f. 29. apríl 1834, d. 6. maí 1834 úr ginklofa.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.