Hildur Eyjólfsdóttir (París)

Úr Heimaslóð, Sögusetri Vestmannaeyja
Útgáfa frá 10. janúar 2016 kl. 11:56 eftir Viglundur (spjall | framlög) Útgáfa frá 10. janúar 2016 kl. 11:56 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Hildur Eyjólfsdóttir húsfreyja í París fæddist 5. febrúar 1852 og lést 24. febrúar 1942 í Vesturheimi.
Foreldrar hennar voru Eyjólfur Einarsson bóndi á Miðgrund u. Eyjafjöllum, f. 20. apríl 1812 í Krosssókn í Landeyjum, d. 20. júní 1859, og kona hans Sigríður Jónsdóttir húsfreyja, f. 28. september 1815.

Hildur var tökubarn hjá Herborgu föðursystur sinni í Fagurhól í A-Landeyjum 1860, var vinnukona þar 1870, vinnukona í Miðey þar 1880.
Hún fluttist frá Miðey að Godthaab 1883, var vinnukona þar - 1885, vinnukona í Batavíu 1886 og 1887.
Hildur var húsfreyja í París 1888 með Ólafi, barninu Sigríði Sesselju og barninu Kristínu Símonardóttur frá Miðey, sem dvaldi hjá þeim.
Hún missti Ólaf Guðjón 1890 og fór til Vesturheims 1893 með Sigríði Sesselju dóttur sína. Þar giftist hún Guðmundi Magnússyni, syni Þorgerðar Gísladóttur húsfreyju, síðar í Skel.
Eftir lát Guðmundar bjó hún í fyrstu í Utah, en 1901 fluttist hún til Blaine í Washington-fylki með Sigríði dóttur sinni.

I. Sambýlismaður Hildar var Ólafur Guðjón Hreinsson vinnumaður í Brandshúsi og París.
Barn þeirra var
1. Sigríður Sesselja Guðný Ólafsdóttir, f. 24. nóvember 1887 í Batavíu. Hún fór til Vesturheims 1893 með móður sinni. Maður hennar var William Dickenson.

II. Maður Hildar var Guðmundur Magnússon í Utah, f. 18. janúar 1863, d. 17. nóvember 1897.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.
  • Saga Íslendinga í Vesturheimi I-V. Þorsteinn Þ. Þorsteinsson, Tryggvi J. Oleson. Winnipeg: Þjóðræknisfélag Íslendinga í Vesturheimi: Menningarsjóður 1940-1953.
  • Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.


Þessi grein tilheyrir Æviskrám Eyjafólks eftir Víglund Þór Þorsteinsson.