Herdís Magnúsdóttir (Nýborg)
Herdís Magnúsdóttir vinnukona frá Ystabæliskoti u. Eyjafjöllum fæddist 20. desember 1839 og lést 8. janúar 1914.
Foreldrar hennar voru Magnús Jónsson bóndi í Ystabæliskoti, f. 14. nóvember 1788, d. 9. október 1864, og kona hans Vigdís Bjarnadóttir húsfreyja, f. 1808, d. 14. október 1878.
Herdís var með foreldrum sínum í æsku, var vinnukona á Raufarfelli ytra u. Eyjafjöllum 1860, vinnukona á Leirum þar 1870.
Hún fluttist til Eyja 1878, var vinnukona hjá Sigurði í Nýborg 1879-81, en þar var Sveinn Árnason vinnumaður. Hún var vinnukona í Vanangri 1882, í Nýborg 1883, síðan á Oddsstöðum hjá Árna Þórarinssyni og Steinunni Oddsdóttur, en svo aftur í Nýborg og þá til dd. 1914. Hún vann m.a. við bræðslu lifrar við Brydeverzlun á vegum Sigurðar Sveinssonar húsbónda síns.
Um Herdísi fjallar Árni símritari í Bliki 1960, Gengið á reka.
Herdís lést 1914 „vinnukona í Nýborg – 76 ára“.
I. Barnsfaðir Herdísar var Sveinn Árnason Skaftfell frá Oddsstöðum, f. 6. október 1859, síðar í Vesturheimi.
Barn þeirra var
1. Guðjón Sveinsson, f. 20. mars 1881, d. 9. júní 1881 úr barnaveikindum.
Heimildir
- Samantekt: Víglundur Þór Þorsteinsson.
- Blik 1960/Gengið á reka.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.