Högni Ísleifsson (viðskiptafræðingur)

Úr Heimaslóð, Sögusetri Vestmannaeyja
Útgáfa frá 1. desember 2020 kl. 17:41 eftir Viglundur (spjall | framlög) Útgáfa frá 1. desember 2020 kl. 17:41 eftir Viglundur (spjall | framlög) (Ný síða: '''Högni Tómas Ísleifsson''' viðskiptafræðingur, fulltrúi fæddist 14. desember 1923 og lést 25. júlí 2017.<br> Foreldrar hans voru Ísleifur Högnason kaupfélagsstjór...)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Högni Tómas Ísleifsson viðskiptafræðingur, fulltrúi fæddist 14. desember 1923 og lést 25. júlí 2017.
Foreldrar hans voru Ísleifur Högnason kaupfélagsstjóri, alþingismaður, f. 30. nóvember 1895 á Seljalandi u. V.-Eyjafjöllum, d. 12. júní 1967, og kona hans Helga Rafnsdóttir húsfreyja, safnvörður, f. 5. desember 1900 í Vindheimi á Norðfirði, d. 3. maí 1997 í Reykjavík.

Börn Helgu og Ísleifs:
1. Erla Guðrún Ísleifsdóttir íþróttakennari, húsfreyja, myndhöggvari, f. 19. janúar 1922, d. 6. febrúar 2011. Maður hennar Ólafur Jensson.
2. Högni Tómas Ísleifsson viðskiptafræðingur, fulltrúi, f. 14. desember 1923, d. 25. júlí 2017. Kona hans Kristbjörg Sveina Helgadóttir.
3. Gísli Rafn Ísleifsson tæknifulltrúi, f. 8. apríl 1927, d. 5. mars 2008. Kona hans Sigríður Eyjólfsdóttir.

Högni var með foreldrum sínum í æsku.
Hann varð gagnfræðingur í Gagnfræðaskólanum vorið 1940 og var í fjórða bekk þar haustið 1940, en þeim bekk lauk um áramót.
Högni varð stúdent í Menntaskólanum í Reykjavík utanskóla 1948 nam um skeið í Tónlistarskólanum í Reykjavík, lauk námi í viðskiptafræði í Háskóla Íslands 1954 og var fulltrúi hjá Hagstofu Íslands frá 1955 til sjötugs.
Þau Sveina giftu sig 1961, eignuðust tvö börn. Þau bjuggu í Reykjavík, síðast í Ljósheimum 14.

I. Kona Högna, (14. maí 1961), var Kristbjörg Sveina Helgadóttir húsfreyja, læknaritari, f. 2. febrúar 1931, d. 31. ágúst 2017. Foreldrar hennar voru Helgi Kristmann Helgason vélstjóri, kennari, f. 9. apríl 1899 á Vífilsstöðum í Garðahreppi, d. 15. febrúar 1975, og Magnea Guðrún Magnúsdóttir húsfreyja, f. 1. ágúst 1901 í Hraunkoti í Grímsnesi, d. 1. apríl 1988.
Börn þeirra:
1. Helga Dröfn Högnadóttir líffræðingur og stjórnmálafræðingur í Þýskalandi, f. 4. júní 1962 í Reykjavík. Maður hennar Ralf Tiedemann.
2. Magnea Berglind Högnadóttir tækniteiknari, hjúkrunarfræðingur, f. 4. ágúst 1968 í Reykjavík, ógift.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.