Gísli Andrésson í Görðum við Kirkjubæ

Úr Heimaslóð, Sögusetri Vestmannaeyja
Útgáfa frá 29. júní 2015 kl. 13:44 eftir Viglundur (spjall | framlög) Útgáfa frá 29. júní 2015 kl. 13:44 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Gísli Andrésson sjómaður var fæddur 16. maí 1791 á Bakkavelli í Hvolhreppi, og lést 23. desember 1855 í Görðum á Kirkjubæ í Eyjum.
Foreldrar hans var Andrés Jónsson bóndi í Vallarhjáleigu í Breiðabólsstaðarsókn, Rang., f. um 1770, d. 8. desember 1834, kona hans Ingibjörg Þorsteinsdóttir húsfreyja, f. um 1770, d. 16. apríl 1824.

Gísli og Sigríður giftust 1820. Þau fluttust frá Vallarhjáleigu í Hvolhreppi að Götu í Holtum 1821, bjuggu þar 1821-1823.
Þau fluttust að Miðhúsum í Eyjum með Andrés og Margréti 1824, Sigríður með börnin frá Velli í Hvolhreppi, en Gísli frá Kotvelli.
Þau bjuggu í Kokkhúsi frá 1825.
Sigríður lést 1833.
Eftir lát Sigríðar kvæntist Gísli Valdísi 1834 og bjuggu þau í Kokkhúsi í nokkra mánuði.
Valdís lést úr landfarsótt 1835, barnlaus.
Gísli kvæntist Þórelfi sama árið. Þau fluttust í Garða við Kirkjubæ 1840 og bjuggu þar síðan.

Gísli var þríkvæntur:
I. Kona, (11. júní 1820), Sigríður Guðmundsdóttir, f. 2. maí 1793, d. 30. október 1833 úr „innanveiki“.
Börn:
1. Andrés vinnumaður á Ofanleiti, f. 16. október 1820, d. 6. september 1842, ókvæntur úr „skyrbjúg“.
2. Margrét Gísladóttir¹) húsfreyja í Spanish Fork í Utah, f. 20. nóvember 1822, d. í Spanish Fork 14. júní 1914, kona Samúels Bjarnasonar.
3. Vilborg Gísladóttir, f. 6. september 1825. Hún mun hafa dáið ung.
4. Hannes þurrabúðarmaður í Grímshjalli, f. í september 1828, d. 4. ágúst 1900, kvæntur Guðríði Guðmundsdóttur.
5. Guðmundur Gíslason, f. 22. júlí 1830, d. 30. s. mán. úr „barnaveik.“
6. Snjófríður Gísladóttir, f. 29. ágúst 1831, d. 5. september s. ár. Dánarorsök er ekki nefnd.
7. Sigríður Gísladóttir, f. 11. mars 1833, d. 22. mars s. ár úr „barnaveiki“.

II. kona, (13. nóvember 1834), Valdís Björnsdóttir, f. 21. apríl 1799, d. 31. mars 1835 úr „landfarsótt“. Þau Gísli og Valdís voru barnlaus.

III. kona, (13. desember 1835), Þórelfur Kortsdóttir, f. 9. janúar 1787, d. 15. febrúar 1869 úr „ellilasleika“.
Börn þeirra Gísla Andréssonar og Þórelfar Kortsdóttur:
8. Jón Gíslason, f. 10. desember 1836, d. 15. desember 1836 „af ginklofa“.
9. Kort Gíslason, f. 3. febrúar 1838, d. 11. s. mán. „af ginklofa“.
10. Valdís Gísladóttir, f. 24. júní 1839, d. 3. júlí s. ár „af ginklofa“.
11. Þorgerður Gísladóttir, f. 16. ágúst 1840, d. 8. ágúst 1919, fyrri kona (skildu) Sigurðar Sigurfinnssonar hreppstjóra. Hún bjó síðan í Skel.
¹) Samkv. Holtamannabók var Margrét Gísladóttir dóttir fyrstu konu Gísla, Sigríðar Guðmundsdóttur, en ekki dóttir Þórelfar Kortsdóttur eins og sumsstaðar stendur skrifað.


Heimildir

  • Samantekt: Víglundur Þór Þorsteinsson.
  • Holtamannabók I–Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
  • Rangvellingabók. Valgeir Sigurðsson. Rangárvallahreppur, Hellu 1982.
  • Saga Vestmannaeyja. Sigfús M. Johnsen. Ísafoldarprentsmiðja H.F. 1946.
  • Manntöl.
  • Familysearch.org


Þessi grein tilheyrir Æviskrám Eyjafólks eftir Víglund Þór Þorsteinsson.