Guðrún Gísladóttir (Húsavík)

Úr Heimaslóð, Sögusetri Vestmannaeyja
Útgáfa frá 25. október 2021 kl. 17:59 eftir Viglundur (spjall | framlög) Útgáfa frá 25. október 2021 kl. 17:59 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Guðrún Gísladóttir húsfreyja í Húsavík fæddist 7. nóvember 1865 í Eyvakoti í Stokkseyrarsókn og lést 9. janúar 1930.
Foreldrar hennar voru Gísli Jónsson tómthúsmaður, sjómaður í Eyvakoti í Stokkseyrarsókn, f. 21. júlí 1835, d. 16. nóvember 1899, og kona hans Guðlaug Jónsdóttir húsfreyja, f. 13. september 1840.

Bróðir Guðrúnar var
1. Guðlaugur Gíslason vinnumaður á Heiði, f. 4. ágúst 1881, d. 17. desember 1953.

Guðrún var hjá foreldrum sínum í Eyvakoti 1870, var léttastúlka í Gaulverjabæ í Flóa 1880.
Hún var bústýra hjá Auðuni í Eyvakoti 1890. Þau voru húsfólk á Vegamótum þar 1891 og enn 1896.
Guðrún var skráð skilin vinnukona á Glæsistöðum í V-Landeyjum 1901, en þá var Auðunn skráður kvæntur vinnumaður á Skeggjastöðum þar.
Þau komu frá Árbæ í Holtum að Hólminum í Landeyjum 1904 og bjuggu í Skipgerði þar 1906 við fæðingu Guðlaugar.
Þau Auðunn fluttust til Eyja 1907, bæði frá Skipagerði í V-Landeyjum og þeim fylgdi Guðlaug dóttir þeirra, en Jón skósmíðalærlingur fluttist til þeirra frá Hallgeirsey í A-Landeyjum og Þuríður systir hans fluttust til þeirra frá Arnarhóli í V-Landeyjum 1910. Smkv. manntali 1910 höfðu þau Auðunn eignast 7 börn og misst eitt þeirra.
Fjölskyldan bjó á Breiðabliki 1910 þar sem Auðunn var útvegsmaður og háseti á vélbát. Hjónin voru í Húsavík 1911 með börnin Guðmund og Guðlaugu, 1912 með þau og Þuríði, 1913-1915 með Guðmund og Guðlaugu, 1916 var Jóhanna Viktoría komin á heimilið með barnið Hermann Karl nýfæddan.
Þau voru í Húsavík 1927 með Guðlaugu dóttur sinni, Jóni Auðunssyni, konu hans og börnum, en komin að Grettisgötu 52 í Reykjavík 1930 þar sem Guðrún lést í byrjun árs, en Auðun lést 1935.

Maður Guðrúnar, (6. júní 1891), var Auðunn Jónsson útvegsmaður, sjómaður, smiður, f. 20. mars 1865, d. 30. mars 1935.
Börn þeirra:
1. Jón Auðunsson skósmiður í Eyjum, f. 12. ágúst 1891 á Vegamótum, d. 15. mars 1975.
2. Þuríður Auðunsdóttir húsfreyja í Reykjavík, f. 29. september 1892 á Vegamótum, d. 22. apríl 1934.
3. Guðmundur Auðunsson vélstjóri í Eyjum, síðar kaupmaður í Reykjavík, f. 31. júlí 1896 á Vegamótum, d. 18. maí 1966.
4. Ásgeir Auðunsson, fósturbarn í Vetleifsholti á Rangárvöllum 1910, f. 24. janúar 1898 í Gerðum, V -Landeyjum, d. 30. júlí 1967. Kona hans Jónína Gróa Jónsdóttir.
5. Guðlaug Auðunsdóttir húsfreyja í Reykjavík, f. 14. september 1906 í Skipagerði í V-Landeyjum, d. 14. desember 1985.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.