Guðríður Jónsdóttir (Kirkjubæ)

Úr Heimaslóð, Sögusetri Vestmannaeyja
Útgáfa frá 8. maí 2015 kl. 17:56 eftir Viglundur (spjall | framlög) Útgáfa frá 8. maí 2015 kl. 17:56 eftir Viglundur (spjall | framlög) (Verndaði „Guðríður Jónsdóttir (Kirkjubæ)“ (‎[edit=sysop] (ótiltekinn)))
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Guðríður Jónsdóttir húsfreyja fæddist 21. janúar 1857 í Steinasókn u. Eyjafjöllum og lést 17. maí 1926.
Foreldrar hennar voru Jón Jónsson bóndi í Hlíð, f. 25. desember 1826, d. 8. febrúar 1900, og kona hans Geirlaug Jónsdóttir húsfreyja, f. 13. ágúst 1827, d. 2. júlí 1919.

Guðríður var með foreldrum sínum í Hlíð 1860 og 1870, gift kona í Steinum 1880.
Hún fluttist til Eyja úr Steinasókn 1882 með Sigurði og barninu Sigurlaugu á 1. ári. Sigurlaug fór að London og dó þar úr mislingum í júlí á því ári.
Þau fluttust frá Kirkjubæ til lands 1884, voru þar við fæðingu Guðbjargar Ágústu 1887, voru vinnufólk á Raufarfelli u. Eyjafjöllum 1890 með barnið þriggja ára. Þar voru þau enn 1901 og Geirlaug hafði bæst í hópinn.
Þau fluttust til Eyja frá Hvammi í Mýrdal með sr. Jes A. Gíslasyni og fjölskyldu 1907 og voru til heimilis á Landamótum hjá Geirlaugu dóttur sinni 1910 og 1920.
Guðríður lést 1926.

Maður Guðríðar, (19. júní 1880), var Sigurður Sæmundsson húsmaður, verkamaður, f. 18. janúar 1845, d. 11. maí 1928.
Börn þeirra voru:
1. Sigurlaug Sigurðardóttir, f. 10. mars 1881, d. 20. júlí 1882 úr mislingum.
2. Guðbjörg Ágústa Sigurðardóttir húsfreyja á Nýlendu, f. 24. ágúst 1887, d. 21. apríl 1974. Hún var kona Jóns Þórðarsonar.
3. Geirlaug Sigurðardóttir, f. 12. febrúar 1891, d. 17. júlí 1963, kona Ólafs Jónssonar á Landamótum.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.