Guðbjörg Þorleifsdóttir (Lýtingsstöðum)

Úr Heimaslóð, Sögusetri Vestmannaeyja
Útgáfa frá 15. desember 2016 kl. 11:04 eftir Viglundur (spjall | framlög) Útgáfa frá 15. desember 2016 kl. 11:04 eftir Viglundur (spjall | framlög)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit

Guðbjörg Elín Þorleifsdóttir húsfreyja á Lýtingsstöðum fæddist 30. janúar 1887 á Ytri-Sólheimum í Mýrdal og lést 8. mars 1952.
Foreldrar hennar voru Þorleifur Jónsson bóndi, f. 11. október 1847 í Fagurhlíð í Landbroti, d. 27. september 1902 á Ytri-Sólheimum, og kona hans Steinunn Eyjólfsdóttir húsfreyja, f. 26. september 1855 á Ytri-Sólheimun, d. 29. maí 1955 í Fagurhól.

Systkini Guðbjargar í Eyjum voru:
1. Guðjón Þorleifsson í Fagurhól, f. 6. maí 1881, d. 26. mars 1964.
2. Eyjólfur Elías Þorleifsson bátasmiður, f. 24. janúar 1893, d. 3. apríl 1983.
3. Marta Þorleifsdóttir húsfreyja, f. 11. júní 1897, d. 6. apríl 1984.

Guðbjörg var með foreldrum sínum á Ytri-Sólheimum til 1913. Þá fór hún að Krókskoti á Miðnesi og víðar. Hún giftist Eyjólfi 1913, en hann lést 1918.
Hún fluttist til Reykjavíkur 1919. Þau Guðmundur bjuggu á Bergstaðastræti 59 í Reykjavík með Kristjönu Sigurðardóttur fósturbarni sínu 1920, giftu sig á árinu, fluttust til Eyja 1922. Þau byggðu Lýtingsstaði við Vestmannabraut 71 1927. Þar bjuggu þau síðan meðan þau lifðu.
Þau voru barnlaus, en fóstruðu Kristjönu.
Guðmundur lést 1950 og Guðbjörg 1952.

Guðbjörg var tvígift.
I. Fyrri maður hennar var Eyjólfur Magnússon frá Krókskoti á Miðnesi, ættaður úr Mýrdsl, sjómaður, f. 21. júlí 1888, d. 5. október 1918.

II. Síðari maður Guðbjargar, (23. desmber 1920), var Guðmundur Guðmundsson pakkhúsmaður, f. 17. júní 1872, d. 18. desember 1950.
Fósturbarn þeirra var
1. Kristjana Sigurðardóttir húsfreyja, f. 5. september 1915 á Seyðisfirði, d. 11. apríl 2016, kona Ingólfs Guðmundssonar úrsmiðs.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.
  • Víkingslækjarætt – niðjatal Guðríðar Eyjólfsdóttur og Bjarna Halldórssonar hreppstjóra. Pétur Zophoníasson og fleiri. Skuggsjá 1983.


Þessi grein tilheyrir Æviskrám Eyjafólks eftir Víglund Þór Þorsteinsson.