Guðrún Sigurðardóttir (Heiðardal)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.

Guðrún Sigurðardóttir húsfreyja á Kalastöðum (Kaðalstöðum) á Stokkseyri, síðar í Heiðardal (Hásteinsvegi 2) fæddist 6. október 1868, d. 30. desember 1945.
Foreldrar hennar voru Sigurður Eyjólfsson bóndi, bátsformaður, f. 15. janúar 1833, d. 15. janúar 1899, og kona hans Þóra Jónsdóttir húsfreyja, f. 2. júní 1838, d. 19. júní 1886.

Guðrún var með foreldrum sínum í æsku og enn 1890.
Þau Gísli giftu sig 1895 og bjuggu í þurrabúð á Kalastöðum, en landinu var þá þrískipt, ein jarðarábúð og tvær þurrabúðir. Þar bjuggu Guðrún og Gísli með þrem börnum sínum 1901.
Þau bjuggu með sex börnum sínum á Kalastöðum 1910 og var Gísli bátsformaður á vélbát hjá Ísfiskifélaginu Ingólfi.
Sigurþór elsti sonur þeirra lést á 19. árinu 1915.
Þau voru enn á Kalastöðum 1920 með 6 börn sín.
Þau fluttust að Heiðardal 1928 með börn sín Hinrik, Ingibjörgu og Gísla. Þau fóstruðu Sigurþór Margeirsson dótturson sinn, son Önnu Gíslínu og Margeirs Rögnvaldssonar. Hann var enn með ömmu sinni 1945, en þá bjó hún ekkja í Drangey (Kirkjuvegi 84)

Maður Guðrúnar, (9. nóvember 1895), var Gísli Gíslason formaður, verkamaður, f. 27. nóvember 1866, d. 29. desember 1935.
Börn þeirra:
1. Sigurþór Gíslason, f. 11. nóvember 1896, d. 1. mars 1915.
2. Anna Gíslína Gísladóttir húsfreyja á Hæli, f. 6. júlí 1898, d. 11. september 1984.
3. Sigurður Gíslason sjómaður, f. 23. apríl 1900, d. 4. mars 1966.
4. Víglundur Gíslason, f. 23. ágúst 1902, d. 28. mars 1977.
5. Gísli Gíslason sjómaður, f. 6. október 1904, d. 17. júní 1992.
6. Þóra Gísladóttir í Drangey, f. 18. nóvember 1906, d. 31. ágúst 1982.
7. Hinrik Gíslason formaður, vélstjóri, f. 4. júní 1909, d. 16. mars 1986.
8. Ingibjörg Gísladóttir verkakona, saumakona, f. 28. desember 1911, d. 28. maí 2003.
Fóstursonur þeirra var
9. Sigurþór Margeirsson bifreiðastjóri, bifvélavirkjameistari, forstjóri, f. 27. október 1925, d. 22. ágúst 2002.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.