Guðrún Þórðardóttir (Vegg)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.


Guðrún Þórðardóttir húsfreyja í Vegg fæddist 19. ágúst 1849 og lést 12. júní 1921.
Foreldrar hennar voru Þórður Einarsson sjávarbóndi á Vilborgarstöðum, f. 4. október 1822, d. fyrir manntal 1860, og kona hans Ástríður Jónsdóttir húsfreyja, f. 28. júlí 1825, d. 3. janúar 1904.

Guðrún var tveggja ára með foreldrum sínum á Löndum 1850, 11 ára með ekkjunni móður sinni á Vilborgarstöðum 1860. Hún var 21 árs vinnukona í Svaðkoti hjá Bjarna Ólafssyni og Ragnheiði Gísladóttur 1870, 30 ára vinnukona í Frydendal hjá Jóhanni Johnsen og Önnu Sigríði Árnadóttur 1880 og þar var Sigurður Ólafsson vinnumaður.
1890 var Guðrún húsfreyja í Litlakoti með Sigurði bónda og barninu Ólafi Diðriki 9 ára.
1901 var Guðrún húsfreyja í Vegg, en það var nýtt nafn á Litlakoti. Þar voru einnig Ólafur Diðrik sonur þeirra og Una Jónsdóttir frændkona þeirra.
1910 bjuggu hjónin í Vegg. Ólafur Diðrik bjó á Strönd með Guðrúnu konu sinni og fimm börnum sínum, en 1920 voru þau Guðrún og Sigurður skráð til heimilis í Litlakoti (Vegg).

I. Maður Guðrúnar, (27. október 1885), var Sigurður Ólafsson sjávarbóndi í Vegg, f. 10. október 1860, d. 10. mars 1931.
Barn þeirra var
Ólafur Diðrik Sigurðsson útvegsbóndi á Strönd, f. 12. febrúar 1881 í Frydendal, d. 4. október 1944.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.