Guðmundur Pálsson (Brekkuhúsi)
Guðmundur Pálsson sjómaður og smiður, síðar bóndi í Brekkuhúsi, fæddist 15. janúar 1884 í Reykjavík og lést 3. mars 1956.
Foreldrar hans voru Páll Guðmundsson verkamaður í Jómsborg, f. 2. október 1841, d. 24. apríl 1936, og kona hans Guðfinna Guðmundsdóttir, f. 14. nóvember 1853, d. 1. apríl 1936.
Guðmundur var sjómaður í Jómsborg 1910. Hann byggði Hjálmholt með Ingibergi Hannessyni og þar bjuggu þau Elín. Þar var hann útgerðarmaður 1920 og verkamaður á Bessastíg 4, (Kirkjuhól), 1930. Þau Elín bjuggu síðar í Brekkuhúsi.
Kona Guðmundar Pálssonar, (1909), var Elín Runólfsdóttir húsfreyja, f. 20. september 1873, d. 7. mars 1969.
Börn Guðmundar og Elínar:
1. Elías Guðmundsson vélstjóri, f. 24. mars 1909 í Eyjum, d. 11. febrúar 1931.
2. Guðfinnur Guðmundsson skipstjóri, f. 25. júní 1912, d. 22. nóvember 1945, kvæntur Olgu Karlsdóttur, f. 26. mars 1917, d. 12. apríl 1976.
3. Guðmann Adólf Guðmundsson vélstjóri í Sandprýði, f. 4. apríl 1914, d. 4. nóvember 1997. Kona hans var Ásta Þórhildur Sæmundsdóttir frá Draumbæ, f. 27. janúar 1918, d. 4. janúar 1996.
Barn Elínar og stjúpbarn Guðmundar:
4. Kjartan Árnason skipstjóri og útgerðarmaður á Gylfa VE-218, f. 2. október 1896 á Ketilsstöðum í Mýrdal, d. 18. júní 1929. Faðir hans var Árni Runólfsson bóndi á Ketilsstöðum í Mýrdal og í Ystabæliskoti u. Eyjafjöllum, f. 15. desember 1858, drukknaði 16. maí 1901.Kona Kjartans var Sigríður Valtýsdóttir. Þau bjuggu á Kirkjuhól, (Bessatíg 4).
Heimildir
- Samantekt: Víglundur Þór Þorsteinsson.
- Manntöl.
- Íslendingabók.is.
Þessi grein tilheyrir Æviskrám Eyjafólks eftir Víglund Þór Þorsteinsson.