Guðmundur Kristinn Ólafsson
Guðmundur Kristinn Ólafsson frá Oddhól, vélstjóri fæddist 23. ágúst 1918 í Ásgarði og lést 4. mars 2002 á Heilbrigðisstofnun Vestmannaeyja.
Foreldrar hans voru Ólafur Andrés Guðmundsson verkamaður, síðar í Oddhól, f. 14. október 1888 í Stekkjarhjáleigu í Hálssókn, S-Múl., d. 20. mars 1955 á Akureyri, og kona hans Sigurbjörg Hjálmarsdóttir húsfreyja, f. 6. september 1884 á Efri-Rotum u. Eyjafjöllum, d. 15. ágúst 1937 í Eyjum.
Börn Ólafs og Sigurbjargar voru:
1. Ragnhildur Guðrún Ólafsdóttir húsfreyja á Akureyri, síðar starfsmaður Lyfjaverslunar Ríkisins í Reykjavík, f. 18. apríl 1917 í Ásgarði, d. 23. febrúar 1999.
2. Guðmundur Kristinn Ólafsson vélstjóri í Eyjum, f. 23. ágúst 1918 í Ásgarði, d. 4. mars 2002.
3. Þorsteina Sigurbjörg Ólafsdóttir húsfreyja, starfsmaður Lifrarsamlags Vestmannaeyja, sjúkrahússstarfsmaður í Reykjavík og Eyjum, f. 4. september 1920 í Ásgarði, d. 15. nóvember 2012.
4. Ásmunda Ólafía Ólafsdóttir húsfreyja, verkakona hjá netagerð Útgerðarfélags Akureyrar og hjá Kassagerð Reykjavíkur, f. 16. júní 1922 í Oddhól, d. 18. október 2016.
Guðmundur var með foreldrum sínum í æsku.
Hann tók hið minna vélstjórapróf 1937 og var síðan vélstjóri á ýmsum fiskibátum, lengst hjá Gunnari Ólafssyni og Co. Síðar var hann vélgæslumaður í frystihúsum 1945-1948. Hann starfaði hjá Rafveitu Vestmannaeyja 1949-1950, síðan við þurrkhúsið Stakk hf. til ársins 1967 og loks í Áhaldahúsi Vestmannaeyja til ársloka 1992.
Hann bjó á Laugalandi, Vestmannabraut 53 1945, kvæntist Guðrúnu 1947 og bjó með henni og barni þeirra Hjálmari í Bergholti, Vestmannabraut 67 1948. Þau voru komin á Brimhólabraut 13 við fæðingu Ólafs 1952 og þar bjuggu þau síðan nema í Gosinu, er þau bjuggu tvö ár í Kópavogi.
Þau eignuðust fimm börn.
Guðmundur Kristinn lést 2002.
I. Kona Guðmundar Kristins, (28. desember 1947), var Guðrún Sigurjónsdóttir húsfreyja, f. 19. júlí 1925 á Haugum í Mýrdal.
Börn þeirra:
1. Hjálmar Guðmundsson vélfræðingur í Vestmannaeyjum, f. 14. september 1948 í Bergholti. Kona hans Sveininna Ásta Bjarkadóttir, látin. Sambúðarkona hans er Pálína Úranusdóttir.
2. Ólafur Guðmundsson vélfræðingur, f. 7. nóvember 1952 á Sjúkrahúsinu. Kona hans Lilja Júlíusdóttir, látin. Kona hans Hrefna Guðjónsdóttir.
3. Sigurjón Guðmundsson bankastarfsmaður, f. 15. júní 1954 að Brimhólabraut 13.
4. Guðni Guðmundsson tölvunarfræðingur, f. 28. júní 1959 á Sjúkrahúsinu. Kona hans Þórdís Njarðardóttir.
5. Sigrún Guðmundsdóttir matvælafræðingur í Hafnarfirði, f. 9. mars 1962 að Brimhólabraut 13. Maður hennar Bergur Helgason.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 16. mars 2002. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.