Guðlaugur Guðlaugsson (Fögruvöllum)

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.

Guðlaugur Guðlaugsson tómthúsmaður og sjómaður í Fagurhól og á Fögruvöllum fæddist 1788 í Mýrdal og lést 30. september 1848.
Foreldrar hans voru Guðlaugur Jónsson bóndi á Götum í Mýrdal, f. 1757, d. 7. apríl 1828, og fyrri kona hans Sigríður Jónsdóttir húsfreyja, d. 1797.

Guðlaugur var bróðir Magnúsar Guðlaugssonar bónda í Nýjabæ.

Guðlaugur var með föður sínum á Götum 1801, niðursetningur í Keldudal þar til 1817, í Reynisholti þar 1817-1818. Hann var vinnumaður á Eystri-Sólheimum 1818-1822, á Stóru- Heiði þar 1822-1823. Þá fór hann undir Eyjafjöll.
Hann fluttist með Guðbjörgu til Eyja 1831, „tómthúsfólk“. Þau bjuggu í Fagurhól og á Fögruvöllum.
Guðbjörg lést 1845 og á því ári kom fyrrum barnsmóðir Guðlaugs, Jórunn Pétursdóttir, til Eyja og gerðist bústýra hans. Hann kvæntist Þórunni Jónsdóttur 1846, en Jórunn hélt aftur til Lands og var vinnukona í Hallgeirsey í A-Landeyjum 1850.
Guðlaugur lést 1848.

II. Barnsmóðir Guðlaugs var Jórunn Pétursdóttir, þá á Hvoli í Mýrdal, f. 1794, d. 20. febrúar 1876 á Brekkum í Mýrdal. Hún var bústýra hans á Fögruvöllum 1845.
Barn þeirra var
1. Jón Guðlaugsson, f. 1. mars 1831 í Mýrdal, d. 3. ágúst 1831.

II. fyrri kona Guðlaugs, (24. júní 1832), var Guðbjörg Þorsteinsdóttir, þá ekkja, f. 1788, d. 28. nóvember 1844, 51 árs.
Þau voru barnlaus í Eyjum.

III. Síðari kona Guðlaugs var Þórunn Jónsdóttir húsfreyja, f. 18. september 1812, d. 30. apríl 1860.
Barn þeirra var
2. Guðlaugur Guðlaugsson, f. 3. febrúar 1847, d. 30. maí 1851 úr barnaveiki.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.