Georg Gíslason

Úr Heimaslóð, Sögusetri Vestmannaeyja
Útgáfa frá 13. desember 2014 kl. 16:25 eftir Viglundur (spjall | framlög) Útgáfa frá 13. desember 2014 kl. 16:25 eftir Viglundur (spjall | framlög)
Fara í flakk Fara í leit
Georg

Georg Lárus Gíslason var fæddur þann 24. ágúst 1895 og lést 27. febrúar 1955. Hann bjó lengst af ævi sinnar í Stakkagerði. Hann var sonur Jóhönnu Árnadóttur Diðrikssonar hreppstjóra og Gísla Lárussonar frá Stakkagerði.

Fyrsta kona Georgs var Jakobína Sighvatsdóttir. Þeirra sambúð varð skammvinn því Jakobína lést ung að árum. Þau voru barnlaus.
Önnur kona hans var Guðfinna Sigríður Kristjánsdóttir. Synir þeirra voru Theódór og Kristján. Guðfinna andaðist 1953 aðeins 54 ára að aldri.
Þriðja kona Georgs var Svava Guðmundsdóttir. Þau giftust árið 1954 og höfðu þau verið nokkra mánuði í hjónabandi þegar hann lést.

Árið 1917 hóf Georg verslunarrekstur og verslun sína rak hann þangað til hann lést, þann 27. febrúar 1955. Hann var einn af stofnendum Íþróttafélagsins Þórs og var formaður þess frá stofnun þess til ársins 1932 með nokkrum stuttum hléum, eða alls 17 ár. Hann var sjálfur mikill knattspyrnumaður og keppti m.a. í fyrsta Íslandsmeistaramótinu í knattspyrnu fyrir hönd Knattspyrnufélags Vestmannaeyja árið 1912. Hann stundaði einnig glímu og varð Glímumeistari Vestmannaeyja árin 1920, 1922 og 1923.

Þegar Golfklúbbur Vestmannaeyja var stofnaður árið 1937 var hann þar í forsvari fyrir hópi áhugamanna um þá íþrótt, og varð hann Íslandsmeistari í 1. flokki þar.

Myndir

Tenglar


Heimildir