Fanný Sigurðardóttir (Selfossi)

Úr Heimaslóð, Sögusetri Vestmannaeyja
Útgáfa frá 30. mars 2020 kl. 11:23 eftir Viglundur (spjall | framlög) Útgáfa frá 30. mars 2020 kl. 11:23 eftir Viglundur (spjall | framlög) (Verndaði „Fanný Sigurðardóttir (Selfossi)“ ([Breyta=Leyfa aðeins stjórnendur] (ótiltekinn) [Færa=Leyfa aðeins stjórnendur] (ótiltekinn)))
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Fara í flakk Fara í leit
Fanný Sigurðardóttir.

Fanný Sigurðardóttir frá Varmahlíð u. Eyjafjöllum, húsfreyja fæddist þar 24 janúar 1913 og lést 17. mars 2014 á Selfossi.
Foreldrar hennar voru Sveinbjörg Sveinsdóttir frá Gíslakoti u. Eyjafjöllum, vinnukona, húsfreyja í Baldurshaga, f. 11. október 1882, d. 25. janúar 1976, og Sigurður Gunnarsson, f. 6. júní 1891 á Búðareyri í Reyðarfirði, drukknaði í Stöðvarfirði 19. apríl 1924.

Börn Sveinbjargar:
1. Fanný Sigurðardóttir húsfreyja á Selfossi, f. 24. janúar 1913 í Varmahlíð u. Eyjafjöllum, d. 17. mars 2014.
2. Sigþór Sigurðsson frá Baldurshaga, sjómaður, stýrimaður , útgerðarmaður, f. 8. nóvember 1924, d. 19. desember 2007.

Fanný var tökubarn í Varmahlíð 1913 og þar var móðir hennar vinnukona, var með móður sinni á Skeiðflöt í Mýrdal 1920, fluttist frá Ketilsstöðum í Mýrdal með henni til Eyja 1924. Þær bjuggu í Baldurshaga 1930 og 1937.
Fanný fór í kaupavinnu að Múlakoti í Fljótshlíð 1938.
Þau Sigursteinn bjuggu saman um skeið, en skildu.
Þau Halldór eignuðust barn 1954 og þau fluttu á Selfoss 1956 og bjuggu þar.
Fanný vann árum saman hjá Pósti & síma á Selfossi.
Halldór lést 1986 og Fanný 2014.

I. Sambýlismaður Fannýjar, (skildu), var Sigursteinn Guðmundsson vinnumaður í Múlakoti, f. 17. maí 1907, d. 12. október 1996. Foreldrar hans voru Guðmundur Guðmundsson bóndi á Kömbum í Stöðvarfirði, síðar vinnumaður á Breiðabólsstað í Fljótshlíð, f. 19. september 1843 í Lambhaga á Rangárvöllum, d. 16. ágúst 1914, og Guðríður Björnsdóttir vinnukona, f. 21. ágúst 1869 á Breiðabólsstað, d. 29. desember 1957.

II. Sambýlismaður Fannýjar var Halldór Árnason bóndi í Hlíðarendakoti, síðan skrifstofumaður hjá Kaupfélagi Árnesinga og iðnverkamaður þar, f. 25. febrúar 1909, d. 5. júní 1986. Foreldrar hans voru Árni Tómasson frá Reyðarvatni, Rang., f. 13. október 1887, d. 28. október 1971 og Guðný Ólafsdóttir frá Þingskálum, Rang., vinnukona, lausakona, f. 11. september 1873, d. 25. apríl 1963.
Barn þeirra:
1. Ómar Þór Halldórsson leiðsögumaður á Selfossi, f. 26. maí 1954. Kona hans Hildur Bjarnadóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.