Eyvindur Þórarinsson hafnsögumaður

Úr Heimaslóð, Sögusetri Vestmannaeyja
Fara í flakk Fara í leit
Prentvæn útgáfa er ekki lengur studd og gæti verið með myndgerðarvillur. Uppfærðu bókamerki vafrans þíns og notaðu frekar sjálfgefna prentunaraðgerð vafrans.
Eyvindur lóðs

Eyvindur Þórarinsson fæddist 13. apríl 1892 að Norður-Fossi í Mýrdal og lést í ágúst 1964, jarðsettur 1. september. Eyvindur fluttist með foreldrum sínum, Þórarni Árnasyni og Elínu Jónsdóttur, til Vestmannaeyja árið 1908.

Eyvindur lauk skipstjóraprófi 23. desember 1917.
Hann hóf sjómennsku um leið og hann flutti til Eyja. Hann réðist beitningardrengur á mb. Ástríði og var næsta vetur á Hrólfi. Þá varð hann vélamaður á Hansínu. Árið 1913 tók hann við formennsku á Hansínu af Magnúsi Guðmundssyni á Vesturhúsum. Síðar hafði hann formennsku á Austra og þá á Gideon þar sem hann var formaður til ársins 1920. Eftir það var Eyvindur með ýmsa báta svo sem Þorgeir Goða og Snyg til ársloka 1928. Eftir að Eyvindur hætti formennsku starfaði hann sem skipaafgreiðslumaður hjá Gunnar Ólafsson & Co. Um 1940 varð hann hafnsögumaður og sinnti því í nokkur ár ásamt Árna bróður sínum. Síðustu ár sín starfaði hann sem húsvörður Útvegsbankans í Eyjum.

Eiginkona hans (23. marz 1913) var Sigurlilja Sigurðardóttir húsfreyja, f. 23. desember 1891.
Börn þeirra Sigurlilju: Sjá Sigurlilju.
Barn Eyvindar með Halldóru Jóhönnu Sveinbjörnsdóttur, f. 1893:
Bergur Hafsteinn, f. 17. júní 1912, d. 24. ágúst 1912.

Myndir


Heimildir

  • Björn Magnússon. Vestur-Skaftfellingar. Reykjavík: Leiftur H.F., 1970-1973.
  • Manntal 1910.
  • Sjómannablaðið Víkingur. Farmanna- og Fiskimannasamband Íslands.